अमर वीर: लेफ्टिनेंट नरेंद्र मयेकर
जॉन आगियार
गोंयच्या मातयेचे गळ्याक बांदून तायित
भारत मातेक ओपून दिलें आपले जीवित
वास्कोच्या गल्लींतल्यान ध्येय ताणें धरलें,
कष्ट सोसून जिवीत साह्यान भरलें
पयलीं हातांत धरलें कामाचें ओझें,
मागीर काळजान सांगलें 'देशकार्य हें म्हजें'.
सैन्याची वळख जाली,पॉलिटेक्निक सोडलो,
नशिबाची पाळां-मुळां बेळगांवात बदललीं.
खांद्यार आयली चमकती नक्षत्रां दोन ,
दाखोवन दिलेंं देशाक आपूण कोण
ताच्या दरार्यान गाजयले आसामचे रान
'मार्शल' नांव आयकून थरथरले दूस्मान!
२६ फेब्रुवारीची ती काळजाक तेकपी रात,
बगरीगुरी गांवांत उजवाडलें रगताचो घात.
"हांव मुखार वतां" म्हणान तो वाघा वरी धांवलो,
गोळ्यो लागून लेगीत दुस्मानाक पुराय मारलो.
मरण येता आसतानाय ताणें कर्तव्य सोडलेना,
देशा खातीर रगत सांडपाक तो फाटी सरलोना.
कीर्ति चक्राचो मान ताच्या धैर्याक मेळ्ळो,
गोंयच्या इतिहासांत एक अमर वीर उजवाळ्ळो.
तुमकां लेफ्टनंट नरेंद्र मयेकर, आमी विसरचे नात,
तुमच्या शौर्याची गजाल सदांच आसतली मनांत.
No comments:
Post a Comment