पंजऱ्यांतलो वाघ
जॉन आगियार
पंजऱ्यांतलो तो वाघ आज अस्वस्त जाला,
सैमाच्या सुखाक पारखो जाला.
लोक येतात, वतात आनी ताका पळयतात,
कांय जाण हांसतात चाळयतात
फटाफट वाऱ्यांत धांवपी ते पांय,
आज चार वण्टीं भितर थकून गेल्यात.
आपल्या घरच्या रानां पसून पयस,
तो एकलोच, ताचे दोळे ओले जाल्यात
मनशां खातीर तो फकत एक खेळणें जाला,
पण रानाच्या ओढीन ताचो जीव बेजार जाता
देखणी कात आनी ती धारदार नदर,
पंजऱ्याच्या सळ्यां फाटल्यान विरून वता.
No comments:
Post a Comment