मांडवीची दूकां.....
जॉन आगियार
हांव मांडवी सदांच हांगा
गोंयकारां खातीर व्हांवली,
तूमच्या सूखी संवसाराचेर
म्हजीय आसली सावळी
आतां काळो जाला रंग म्हजो,
पयलीं सारखो नितळ,नां
वारो लेगित म्हजे देगेर
पयलीं सारखो शितल ना
उदका सागाता व्हांवता आयज,
गू आनी सांड उदकाचो तो वास,
म्हाका मेळूंक येतल्याक आनी
न्हातल्यांक दिसपट्टो हो त्रास
विषारी जावन आंग म्हजें ,
सामको गुदमरता जीव म्हजो
आयकात म्हजो आकांत हो
आनीक म्हज्यान सोंसूंक नजो
परत म्हाका नितळ करून,
गोयचो मान वाड्यांत
घाण करपी बोटी आसात
तांकां आतां काडून वडयात
मरत जर हांव वळवळून,
सोबीत गोय करतले कशे?
विख घालून आपल्या आवक,
तुमी हांगां उरतले कशे?
No comments:
Post a Comment