ज्योतिषाचो पोपट
जॉन आगियार
एका ल्हानशा पिंजऱ्यांत बंदिस्त तो,
ज्योतिषाचो पोपट, आग्गी बसून आसता.
दार उघडटाच तो भायर येता,
आनी हुशारकायेन एक कार्ड उखलता.
लोकांक तांचो फुडार सांगता,
कोणाक यश, तर कोणाक सुख दाखयता.
पुण जो दुसऱ्यांचें नशीब सांगता,
ताका स्वतःचो फुडार खबर आसता?
परत त्याच पिंजऱ्यांत वचून बसता,
दोन दाणे खावन आपलें पोट भरता.
सगळ्यांक मुक्तीची आस्त दाखोवपी तो,
स्वतः मात्र गुलामगिरींतच मरता.
No comments:
Post a Comment