याद एनसीसीची
जॉन आगियार
घराच्या कोनश्याक मेळ्ळी
आज ती खाकि पँट,
याद आयली तेन्ना काळजांत
जाल्लि एक घट्ट गांठ.
ती कडक इस्तरी आनी
ते बूट पॉलिश केल्लो,
गणवेशाच्या रुपान काळजांत
अभिमान भरिल्लो.
रॉक क्लायबिंगाचे दोंगर
आनी ती खडतर चडण,
फौजे वांगडा रावन शिकले
हांव जगपाचे घडण.
लीडरशिप कॅम्पान शिकयलों
एकीची ताकद,
एनसीसीन घडयली आमची
आयुष्याची वाड.
आज तो भेस आंगाक
जायना फिट,
पुण आंगात आयजूय
आसा तीच कीट
मातयेचो तो वास आनी
परेडाची ती धून,
सदांच दवरतली आमचें
जीवित हून.
No comments:
Post a Comment