गोंयचें दूख
जॉन आगियार
गोंयचें कितें जालां
तें पळोवन दुकेस्त हांव जातां
आतां पयलीं सारखीं आयकुंक मेळनांत
सकाळीं सवण्ण्यांचीं गीतां...
पाचवी चार झाडां कातरून उडयलीं
सिमिंटाचीं जंगलां थंय उबीं केलीं
वारेंय आतां घोळनां झाडांय आतां धोलना
गाड्यांच्या आवाजा शिवाय कांयच कळना
नय्यो आनी दोंगर आमचे पिडेस्त जाले
पुरयिल्ले सैमाचे सोबीत दीस गेले
फुडल्या पिळगेक आमी कितें दितले?
फकत तांच्या खातीर सुके फातोर दवरतले?
No comments:
Post a Comment