याद....
जॉन आगियार
सगळ्यांचो लाडको हांव
घरांत एकटोच जाल्लो
आवय-पापाच्या मायेत,
सामको शेणून गेल्लों.
चलो हांव आसून लेगीत
म्हाका चली कशेंच नेटयतालीं
रेश्मी वस्त्रां भितर म्हजे
तीं भूरगेपण सजयतालीं
दोन वाटे फुलां फातयेचे,
घरांत आमकां मेळताळे.
एक आवयक दुसरो म्हाका
कळे माथ्यांत फुलताले
आमकां पळौपी लेगीत
सामकेंच घूस्पून वताले
चलो व्हड की चली व्हड
विचारुंक लेगीत भीताले
No comments:
Post a Comment