शिगमोत्सव: गोंयची ओळख
जॉन आगियार
नवे पालवीक फुटला चंवर, वसंत ऋतू आयलो,
धोल-ताशांच्या गजरांत, घुमटांचो नाद मेयळो
कुलदेवतेच्या पालखे फुडें, सगळो गांव नाचता.
घूमचे कटर घूम सगळ्या मना मनांत वाजता.
हातांत गुलाल, धर्तरेक रंगांचो भेस,
तो नाद, ती उमेद आनी अफाट हो जोश!
चित्ररथांची ती ओळ, देव-देवतांचो खेळ,
एकचाराचो सुवाळो, तालार नाचपी रोमटामेळ.
नमन आनी जोत, शेताच्या मांडार
गोंयच्या संस्कृतायेची गूडी घेवन खांदार
रणगाजी घोडे-मोडणी, पराक्रमाची याद,
गोफ आनी फुगड्यांनी, जागता सैमाचो साद.
No comments:
Post a Comment