झुजाची काळी सावळी
जॉन आगियार
खंय पावतला हो रगतताचो खेळ?
पालवत चल्ला माणुसकीचो मेळ.
शाळेंत उडयलो बॉम्ब, निश्पाप मना शांत
मोडलीं सपनां, आयकलो ना कोणें आकांत.
त्या भुरग्यांचो गुन्यांव कितें काय?
दोळ्यांर तूमच्या आयल्या साय?
फकत हांसतालीं आनी खेळतालीं
दप्तरांतलीं पुस्तकां जळून गेलीं.
कोण थांबयतलो हो रगताचो खेळ?
ससंवसाराचेर वायट आयला वेळ
कोणाक किद्याक जायना खंत
पळौन रडणें आनी काळो अंत.
सोडा आतां हो मारामारी,
मनीसपण उरूं दी थोडें तरी.
शांतीचो उजवाड आतां पडूं दी,
झुजाचो धूंवर सासणाचो सोंपूं दी
No comments:
Post a Comment