देवा....
जॉन आगियार
देवा, तुजो न्याय कसलो?
कोणाचें पोट भरता?
जे पैशेकार आसात,
तांकांच तूं गिरेस्त करता.
गरीब आसा तांकां
आनीकय गरीब करता.
चोरतात, नागायतात, फटयतात
तांचेच हांगा फावता.
असो कसो तुजो न्याय?
प्रामाणिक काम करप्यांक मोल ना,
तूं करपाक तरी कितें सोदता?
तेच आमकां कळना
तुजो कायदो मोडटल्यांक
मेळटा हांगा मेवा
तांकां कसलीच ख्यास्त ना.
अजब तुजो न्याय देवा!
खरें उलौपी सदांच रडटा,
फटकिरो मिरयता सत्ते घरांत;
तुजेय दोळे बंद जाल्यात काय?
प्रामाणिक गुदमरता तूज्या दारांत
कोणाक सांगचें, खंय वचचें?
तुजोच आलाशिरो आशिल्लो;
पयसोच हांगा देव जाला,
आनी कश्ट करपी मात खर्शेलो
No comments:
Post a Comment