🚩 वेरेचो राखणदार: श्री दडेश्वर 🚩

 

🚩 वेरेचो राखणदार: श्री दडेश्वर 🚩

जॉन आगियार

सह्याद्रीच्या कुशींत, मांडवीच्या तीराचेर,
वेरेच्या गांवचो राजा, बसला दोंगुल्ल्यांचेर!
जागृत सायबा तूं, गांवचो राखणदार,
दडेश्वराच्या पांयाकडेन झूकतात सगळे वेरेकार.

गळ्यांत माळ आनी हातांत ते बेठ,
तुजें रूप पळोवन, देवा कडेन जाता भेट!
खंयचेंय संकट येवूं, तूं मुखार उबो रावता,
भक्तांच्या एका उल्याक, काळखांत लेगीत पावता.

गांवाच्या शिमेचेर, तुजो कडक परो,
तुझ्याच आर्शिवान मेळटा, सुखाचो उजवाड खरो!
कडेकार, कुणबी, सगळो लोक एकठांय सरता,
तुज्या गाऱ्हाण्यान, काळजांत विस्वास भरता.

सांजवेळार जेन्ना घरा-घरांत दिवली पेटटा,
तुज्या पावलांचो नाद, वळणा-वळणांत मेळटा!
तुज्या चरणां कडेन येवन, मनाक मेळटा शांती,
वेरेच्या मातींत तुजीच, आसा सायबा ख्याती.

राखण कर सायबा, मात्यार दवर तुजो हात,
तूजोच मेळूदी आमकां सदांच सांगात
हे दडेश्वरा, तुका आमी सदांच पुजतात,
वेरेच्या घरा-घरांत, तुजेच गुणगाण गातात.