त्या विरांची याद करात.....
-जाॅन आगियार
कारगिल झुज सोपें नासलें
हें तुमी मतींत घरात
देशाखातीर प्राण सोडपी
त्या विरांची याद करात.
रगत सांडयलें ताणी सिमेर
भारत मांयचो मान वाडयलो
काळजीदार देशाच्या पुतानी
एक नवो ईतीहास धडयलो
जांचे तरणे पुत गेले
त्या आवयांक सलाम करात
कारगिल झुज सोपें नासलें
हें तुमी मतींत घरात
देशाखातीर प्राण सोडपी
त्या विरांची याद करात.
तिरंंग्यांत गुटलावन हाडले घरा
केदो हो तुमकां मान
आवय भयणी रडूं नाकात
कळयलें तुमकां पत्रान
हासते भाव गेले तांच्यो
राखी बांदुंक फुडें सरात
कारगिल झुज सोपें नासलें
हें तुमी मतींत घरात
देशाखातीर प्राण सोडपी
त्या विरांची याद करात
