क्रांतीवीर भगतसिंग
जॉन आगियार
बारा वर्सांच्या भुरग्यान हातांत घेतली,
रगताच्या थेंब्यानी भिजिल्ली माती,
खांदार घेतली देश सुटकेची पालखी
मनांत पेटल्यो अन्याया आड वाती,
इन्किलाब झिंदाबाद! हो गाजलो नारो,
तरणाट्या काळजांत क्रांतीचो वारो,
जुलमी सत्तेचो देवपाखातीर माज,
असेब्लींत बाँम उडोवन केलो आवाज
हांसत हांसत फासाचेर तो चडलो,
देशा खातीर आपलो जीव ताणें सोडलो,
भगत, सुखदेव, राजगुरुचो एकवट घडलो,
स्वातंत्र्याचो सूर्य काळजांत उजवाडलो.
नमन तुका भारताच्या वीर पुता,
तुज्या त्यागाचो सदांच आमकां अभिमान,
विशाल काळजाच्या हे क्रांतीदूता,
तुका नमन करता अख्खो हिंदुस्थान!
No comments:
Post a Comment