बीनाईन.......

 

बीनाईन.......

जॉन आगियार

सोसून पोटांतली ती भयानक कळ,
सोडून सगळीं कामां.दोतोरागेर मारली घांव
सोनोग्राफी जाली, काळजांत धडधड आसली,
दोतोरांनी सांगलें - 'अॅडेनोमायोमॅटोसिस' हें नांव.

मनांत भंयाचो हुस्को, दोतोरांचो दुबाव,
कॅन्सर तर न्हय? होच तांचो जालो विचार.
पित्तशयाची पिशवी काडपाचो जालो थाराव,
ऑपरेशनाचो वेळ आनी काळजाचो थार.

पिशवी काडली, धाडली ती बायोप्सीक,
दिस ते युगावरी, रात जायनासली सोंपिक.
एक-एक खीण कसो काळजाचेर भार,
देवाचें नांव ओठार, मनांत कसलेय विचार.

आनी एक दीस ती खबर आयली घरा,
दोतोरांनी सांगलें, "भिंवपाचें ना आतां पोरा."
बायोप्सीचो रिपोर्ट आयलो, "बीनाईन" देखून,
नवी जीण मेळ्ळी, सुखान ती सारा!