किराचे भविष्य

- जॉन आगियार

आपल्या चोचीन दुसर्यांचे
भाग्य संगतल्या त्या किराक
स्वताच्या भाग्याची असा काय झलक ?
ताचो सौसार म्हळ्यार स्वता "तो",
ताचें "पांजरे" आनी "ज्योतिषी मालक".

दर खेपेक दार उगडतकच कीर भायर सरता
आणि एक कार्ड चोचीन धरता
पांजर्यांत रावून दुसर्यांच्या
भविश्याच्यो खबरी करता

पांजर्यांतल्यान भायर सरून लेगीत
तो कोसोच उडना आपल्या धनयाक तो सोडना
मर्यादेची शिम तो कोसो तोडतलो ?
विश्वासघात करपाक ताका जमाना

ह्या बंदिस्त किराचे प्रश्न कोण मांडित ?
कोण सोडयत ताच्या भाग्याचे गणित?
ह्याच भावनेन दिस, वरां, मिनिटां
आनी घाटकेन घटको तो सारता
एक दिस कोण तरी एवन
आपलेंच भविष्य सांगत म्हण रावता.

फुलपाक्या

- जॉन आगीयार

फुलपाक्या फुलपाक्या उडत यो
सैम्बाचें रंगानी बुडत यो
फुलां वांगडा खेळपाखातीर
खेळगडी कोसो दडत यो

मळबा इतलो उडनाका तु
मोगा कायदो मोडनाका तु
फुलां तुका रावतात बागेंत
तांका वेगेंत ओडत यो
फुलां वांगडा खेळपाखातीर
खेळगडी कोसो दडत यो

प्रत्येक फुवटी फुला तुका जाय तन्नि
दोस्ती करून सोड्पाची रीत तुजी पोन्नि
पोन्नने तुजे कायदे आतां मोडत यो
फुलां वांगडा खेळपाखातीर
खेळगडी कोसो दडत यो