काळजाचीं पानां
जॉन आगियार
जिणेच्या पुस्तकांतलीं तीं कडू पानां,
खोडून उडवपाची आस धरता मना.
काडूं येता आसले तर खोडणें घेवन,
पुसतलों आसलों ती पानां वेंचून घेवन.
वेळा प्रमाण तांचो रंय थोडो सरला,
पूण काळजांतलो तो घाव तसोच उरला
प्रयत्न केलो हांवें तीं पानां पुसपाक,
जाल्लें तें मनांतल्यान काडून उडोवपाक.
पानां तर पुसलीं नात, तशींच उरलीं,
उलट पूसता पूसतां म्हजी बोटांच झरली
घासून-घासून काळजाक आयल्यात वळ,
जिणेच्या अणभवांचें एक वेगळेंच फळ.
आतां कळ्ळां म्हाका, तीं पानां तशींच दवरचीं,
वाचून तांकां स्वताची वळख नव्यान घडवची.
No comments:
Post a Comment