ये काश्मीर...
जॉन आगियार
गोंयच्या दर्या वेळे वयल्यान, सुटलो थंड वारो,
काश्मीरच्या दोंगुल्ल्यांनी सोदलो एक विसावो.
सविता आनी हांव, प्रवासाक भायर सरलीं,
धव्या-फुल्ल शिखरांनी, काळजां आमचीं भरलीं.
पहलगाम पळयले, जणूं धाकटें 'स्वित्झर्लंड' ते,
बैसेरनची कीभलें सुंदर, पांचव्या चराचरान नटिल्लें.
घोड्यार बसून केल्लो, तो रान-वाटेचो प्रवास,
अरू आनी बेताब देगणांत, मेळ्ळो सुखाचो सुवास.
गुलमार्गांत पावतकच, मळबांत गोंडोला उडलो,
बर्फाच्या राशींत खेळपाक, भलतोच नशा चडलो
धव्या शालेंत गुठलायल्ली, ती दोंगुल्ल्यांची सोबण,
सोनमार्गाच्या रुपान, देवान धाडला जणूं आंगण.
शंकराचार्याच्या दोंगुल्ल्यार, शिवाचें घेतलें दर्शन,
निशांत-शालीमारांत सोंपलीं, मुघल काळाचें सपन.
आनी निमणें, दाल लेकाच्या शांतीत,
हावसबोटित आमी घेतलो विसावो,
शिकारांत बसून चखलो, काश्मीरचो देखावो.
No comments:
Post a Comment