रुचीची जोडी-शित कडी....
जॉन आगियार
तेजाळ मसालो, सोयिची ओड,
आमटाण-तिकसाण, रुचीची जोड.
दर्याचो हावेस, कुळागारांची सावळ,
कोंकणाच्या मातींत रसाळ ही कावळ.
निस्तें ताजें फडफडीत शेंपडी हालयता
तेसफळांचो वास मनाक भुलयता.
नल्लच्या दूदांत जेवतात गोयचीं घरां,
गोयकारांच्या जिबेर सुखाचीं ल्हारां.
शीत आनी कडी, काळजाचो विसव,
भूक लागल्यार होच एक उत्सव.
घराघरांत दरवळपी ही अवीट गोडी,
भेट आमची खास, गोंयच्या रुचीची जोडी.
No comments:
Post a Comment