स्वार्थाचो संवसार
जॉन आगियार
संवसार हो स्वार्थाचो, मनशाची ही रीत,
फायदो आसा म्हणसर, गायताले तूज़ें गित
सत्ता आनी संपत्ती, जेन्ना तुज्या जीवीतांत,
तेन्नाच तुका मेळटलीं, शेकड्यांनी मनशां हातांत.
सावळेवरी भोंवतलीं तीं, पावलांक पावल लावन,
गुलाम जावन रावतलीं, तीं सामकी तूजींच जावन.
पूण जेन्ना तुजें नशीब, थोडें तरी फिरतलें,
पळयता पळयता तांचे नातें हळू हळू जीरतलें
तुजी शक्त सोंपताच, तीं वळख लेगीत विसरतलीं,
नव्या गिरायकाचो सोद, रोखडेंच सुरू करतलीं
कोणूच न्हय आपलो हांगा, कोणूच न्हय व्हडलो,
सगळो खेळ स्वार्थाचो, फायदो ना तर सोडलो.
देखून पारखू नाका पूस्तक पळौन ताचे कव्हर
मनशां परस चड, आपल्या मनाचेर विस्वास दवर
No comments:
Post a Comment