हार मानूं नाका
जॉन आगियार
जिविताच्या ह्या वाटेर,
आडमेळीं तर येतलीं,
हातांतल्यो संघय चडदां,
दोळ्यां फुडल्यान सुटतलीं.
पडलो तरी चिंतातूर
कसोच तूं जावं नाका,
काळजांतली उमेद तूजी
पालोवंक कशीच दिवं नाका.
निळें मळब मेजपाची,
आस्त तुजी जागय तूं,
मनासतलो आत्मविश्वास
परतून एकदां दाखय तूं.
फातरांचेर पांय दवरून फूडें वच
चूक जाली म्हण रडत बसूं नाका,
धेय्यान तुज्या वयर सर तूं.
हार खावन फाटीं सरूं नाका,
कष्ट केल्यार फांतोडेचो
उजवाड तुका मेळटलो,
जैताचो तो गोड दिवो
तुज्याच हातांत खेळटलो.
No comments:
Post a Comment