म्हज्यांतच.......
जॉन आगियार
हावें म्हाकाच सोदलो सगळी कडे,
बरयिल्ल्या पुस्तकांच्या पानां-पानां कडे.
वावराच्या सुवातेर आनी भोंवलों सगळ्यो दिका,
पूण म्हजो पत्तो खंयच मेळ्ळो ना म्हाका.
जंय-जंय गेलो थंय सोदले म्हजे पांय,
घराच्या कोन्शा-कोन्शानी मेळ्ळें ना कांय
सगळे कडे सोदून हांव मातसो बसलों,
खंयच्याच आरशांत लेगीत हांव नासलों
मागिर म्हाका एक अजाप समजलें,
दोळे धांपले तेन्ना मनांत उमगलें.
खोल काळजाच्या कूडक्यांत भीतर दिसलो
सगळेकडेन सोदलो पूण हांव म्हज्यांतच आसलों
No comments:
Post a Comment