स्वाभिमान...
जॉन आगियार
हांव सगळ्यां खातीर न्हय, हें हांव वळखून जाणां
म्हज्या वळखीतच आसात सत्याच्यो खूणा
हांव कितें दिवं शकता, आनी कसली म्हाका जाण,
म्हज्या सांगातान मात आसा, मोलांची मोठी खाण.
म्हज्या वागणुकींत मोग आसा, आनी उतरांत धार,
हांव पुराय नासलो, तरी विचारांत आसा सार.
जर कोणाक हांव नाका जालो, वा पंगडांत मेळना स्थान,
तरी सांबाळून दवरतलों ,हांव म्हजो स्वाभिमान.
No comments:
Post a Comment