तांबडो डबो
जॉन आगियार
रस्त्याच्या कोनशाक हांव एकलोच उबो,
तांबडो काळजांत मोग भरिल्लो डबो.
आता मात कोणाकच म्हजी याद उरना,
म्हज्या तांबड्या रंगाकडेन कोणूच पळयना.
एका काळार हांव सगळ्यांचो लाडको आसतालो
कागदां आनी पत्रां खातीर हांवच दिसतालो.
परबेच्या दिसांनी तर लोकांची गर्दी जाताली,
म्हज्या पोटांत उमेदीचीं पत्रां सदांच येतालीं.
काणयो, मोग, आनी रडणीं सववे म्हज्या हातांत,
लोकांच्यो भावना हांव सांबाळटालो काळजांत.
आता सगलें 'मोबाईल' 'मेसेजीन फाटीं सांडलें,
म्हजें मोगाचें नातें लोकांकडेन तुटून पडलें.
पयलीं सारखो पत्रांचो स्पर्श आतां उरना,
शायेन बरयल्लो मोग आतां काळजांत भरना.
हातांत हात धरून कोणूच येना म्हज्या लागीं,
रस्त्याच्या कोनशार हांव पडलां आतां व्हगी.
No comments:
Post a Comment