मोगाचो धर्म
जॉन आगियार
ख्रिस्ताच्या नांवान जल्म जालो,
हिंदू धर्मा कडेन नातें जोडलें,
दोन न्हंयचो मेळ जावन आतां,
एक व्हड उदान जालें...
मरण म्हळ्यार कितें आसता?
पोरणी वस्त्रां सोडप,
आत्म्याचें ह्या संवसारा कडेन,
सगळें नातें तोडप.
नासतलो थंय कसलोच भेदभाव,
नासतली थंय जात-पात,
फकत मोगाचो उजवाड आसतलो,
आनी देवाचो सांगात.
'क्रॉस' आसूं वा 'ओम' आसूं,
दोन्ही एकाच थळार व्हरतात,
जाणी संवसारांत मोग पेरला,
तेच देवाच्या घरांत रावतात.
No comments:
Post a Comment