न्हंयचो सारथी: व्हडेकार
जॉन आगियार
न्हंयच्या पाटांत व्हडें आमचें,
आदल्या तेंपाचें सोबीत सपन.
पुर्वजांचो हो मोगाचो ठेवो,
काळजांत दवरला आमी जपून.
रस्ते नाशिल्ले, पूल न्हय तर,
येरादारीचो एकच रस्तो.
'व्हडेकार' आमचो व्हडा मनाचो,
न्हंयच्या उदकार सदांच दिसतो.
हातांतलें जड तें तांडेल काळें,
उदकाचेर विणटा मोगाचें जाळें.
सामान आसूं वा लोकांचो मेळ,
सांभाळून व्हरता तो सगळो वेळ.
खारवी भावाचें कश्टाचें देणें,
गोंयच्या उदकाचेंर आसलें आमचें हे जीणें.
व्हड्यांत बसून सोंबतालो प्रवास,
काळजांत उरला तोच खरो सुवास.
No comments:
Post a Comment