मोग आनी अहंकार
जॉन आगियार
अहंकाराचो केल्यार त्याग,
नात्याक मेळटलो मान,
'हांव' पणाच्या गोंदळांत मागीर
सगळ्यांक मेकळें जाता रान
झगडे कोणा खातीर जालें,
हे परस तें सोंडवप गरजेचें,
समजून करात मोगाचो प्रवासां,
थंय कांयच काम ना प्रजेचें
हारप म्हणल्यार पराभव न्हय,
ती तर मोगाची जीत,
मुखावयल्या मनशाक ओळखून,
सांबाळप आपली प्रित.
जंय इगो व्हड जाता,
थंय मोग ल्हवू-ल्हवू सोंपता,
देखून नात्यांत सदांच,
मोगान जियेवप बरें दिसता.
No comments:
Post a Comment