गोबोर
जॉन आगियार
मर्णकुट्यार तो गोबोर पळोवन,
एक मात सामकें कळता...
फकत गोबोर जावपाखातीर
मनीस एकामेकाचेर कितलो जळटा!
सावळेन सांगात सोडलो तरी,
हावेस मात काळजांत उरता,
जो गोबोर वाऱ्यान उडून वतलो,
तेच खातीर मनीस बोल्सां भरता
मायेचें जाळें, सोयऱ्यांचो गोत,
सगळें हांगाच सोडून वचपाचें,
मूठभर गोबोर जावचे पयलीं,
फकत मोगान जियेवपाक शिकपाचें.
तो गोबोर सांगता निमणी काणी,
सगळेच समान, कोणूच न्हय व्हड,
गोबोर जातकच उरता ती फकत,
तुज्या बऱ्या कर्मांची जोड.
No comments:
Post a Comment