सोबीत
जॉन आगियार
सोबीत सुंदर रूप तुजें
मेळ्ळें तुम म्हाका त्या दिसा
सोदलें हांवें कितले कडेन ....
आजून म्हाका उगडास आसा
फेसबूक इंस्टा सोदलें हांवें
कांयच म्हाका कळूंक ना
नांव विचारुंक सोदी हांव
पुणू तुम म्हाका मेळूंक ना
तुम म्हाका मेळट म्हण
काळजांत म्हज्या आसा भरोस...
सोबीत सुंदर रूप तुजें
मेळ्ळें तुम म्हाका त्या दिसा
सोडलें हांवें कितले कडेन
आजून म्हाका उगडास आसा
कितलेय त्रास जिवाक पडूं
तुका सोदून हांव काडटलों
खोश्येचीं दोळ्यांत घेवन दुखां
तुज्याच वांगडा हांव रडटलों
काळीज म्हजें मोव खूब
करचो ना हांव कसलोच तमाशा
सोबीत सुंदर रूप तुजें
मेळ्ळें तुम म्हाका त्या दिसा
सोडलें हांवें कितले कडेन
आजून म्हाका उगडास आसा
No comments:
Post a Comment