याद तुजी...
- जॉन आगियार
नातें तें दोळ्यांचें, उतरांविणें उरिल्लें,
दर दिसा पळोवन तुका, रूप काळजांत मुरिल्लें.
कॉलेजीच्या भायर तूं, हांव थंयच रावपी,
पळोवन म्हाका, तुजें तें लजप कळिल्लें.
काळाच्या प्रवाहांत तूं, फुडें चलून गेलें,
सोदलीं हांवें थळां, पूण मन थंयच उरिल्लें.
आयज लेगीत त्या कॉलेजीच्या, फुडल्यान वता तेन्ना,
दिसता तुजेंच रूप, हातांत तुजीं पुस्तकां धरिल्लें.
काळाचे खेळ हे, नशिबाचे मेळ हे,
फक्त उरल्यात खीण काळजांत, यादानी भरिल्ले
No comments:
Post a Comment