तूजोच जातां गो
जॉन आगियार
स्वप्नात म्हज्या तूं
चोर पावलानी यो गो
म्हाकाय तुज्या काळजांत
दी थोडो सो जागो
तुजें काळीज आतां
म्हज्या काळजाक लाय गो
घट मूट उरुनी हो
आमच्या मोगाचो धागो
चांन्न्याची रात ही
नीळो सावळो रंग हो
ल्हारां ल्हारांनी गाजतात
ह्यो दर्याच्यो देगो
तुज्या एका हांश्यान
हांव जखमीं जातां गो
तुजेंच नांव ओठार घेवन
हांव तूजोच जातां गो
No comments:
Post a Comment