नवी सुवात
जॉन आगियार
ह्या जल्मांत जाली ना भेट,
तरी खंत धरूं नाका काळजांत,
परतून एकदां जल्म घेवन ये,
फक्त म्हजेच खातीर ह्या संवसारांत.
आमचेच खातीर जगचे आमी
मोगान आमी न्हावूंया,
पोकळ उरिल्ल्या त्या गॅप्स-क,
परतून नव्यान भरून काडूंया.
जीं गूस्मटत उरलीं उतरां,
आनी अर्दीं उरलीं सपना,
हांगाच बसून मेळोवया,
मोग आमचो नव्यान खेळोवया
परतून एकदां जागोवया काणी,
त्याच कॉलेजीच्या बेंचाचेर,
अर्दकूट्या काळजाच्या काणयेक,
पावसाच्याच त्या रिमझिम तालाचेर.
No comments:
Post a Comment