मौन
जॉन आगियार
हांव ओगिच रावतां
हाचो अर्थ असो न्हय की
म्हज्याकडेन सांगपाक कांयच ना.
केन्ना केन्ना हाचो अर्थ असो जाता,
की तूका सगळे खबर आसा पूण
आतां उतरांक कसलोच अर्थ उरलो ना.
कितलेंय उलोयलो तरी आतां,
कांच बदलपाचें ना हें तुका खबर आसा.
अशा वेळार शांत रावपांतच ,
सगळ्यांत शहाणपणाचें थारता.
मनांत उतरांचो गोंधळ आसलो तरी,
ओठांचेर मात शांतताय आसप गरजेचें.
उतरां परस मौनाची साथ,
खरे तर चड खोल वता.
No comments:
Post a Comment