लोकशायेचे चार खांबे
जॉन आगियार
न्याय, कायदो आनी प्रशासन,
खंयच्याय राश्ट्राचें आदार स्तंब
काळाची पावलां वळवळटात,
खाम्ब्यांक आज कांयच ना दम
पयलो खांबो कायदो घडयता,
दुसरो ताची अंमलबजावणी करता,
तिसरो न्याय दिवन रखण करता,
आनी चवथो समाजाक जागो दवरता.
आतां वार्याल्हारां वेगळेंच दिकेन व्हांवतात,
विस्वासू खांबे भेस बदलून रावतात,
सत्याची उतरां उणीं पडटात,
अन्यायाचीं पाळां खोल वतात.
एक पडलो तर दुसरो सावरतालो,
असो विस्वास मनांत आसलो,
पूण आज खंय वचचें कळना,
सत्याक आता आदारच मेळना.
तरी लेगीत उलो मारूया,
लोकशायेची गजाल करूया,
आमीच जागृत नागरिक जावया
लोकशाही आमची जीती दवरूंया.
No comments:
Post a Comment