नवें वर्स

 

नवें वर्स

-जाॅन आगियार 

नवीं किर्णी, नवीं सपना

नवें रंग, नवे उमाळे

नव्या वर्सा तुका येवकार दितां

उमेदीन भरुन दोळे

बरें वायट फाटल्यान गेलें 

आतां किदें तूं बरें हाड

कडू आमट सोसून जालें

येतनां वांगडा गोडसाण हाड

मध्यान रातीर येवकाराक उबो

दवान भिजले म्हजे पोले

नवीं किर्णी, नवीं सपना

नवें रंग, नवे उमाळे

नव्या वर्सा तुका येवकार दितां

उमेदीन भरुन दोळे

गेल्य वर्सा परस तूज्या काळांत

 आनीकय बरें जांव

ल्हाना पासून जांण्ट्या मेरेन

सगळे तजीच व्हडवीक गांव

खूशालकाय मनयतले तूज्या येण्याची

आमी गळ्यांत घालून गळे

नवीं किर्णी, नवीं सपना

नवें रंग, नवे उमाळे

नव्या वर्सा तुका येवकार दितां

उमेदीन भरुन दोळे

सां जुवांवचे फेस्त.....

 सां जुवांवचे फेस्त.....

-जाॅन आगियार 

सां जुवांवचे फेस्त आयज नाच रे नाच 

घुमट कासाळें वाजोवन नाच गों नाच

संवसारांत सांजावचें फेस्त नेटांन मनयतात

गोंयांत आमी बांयत उडी मारून गाजयतात

कोपीयांत जाय आमकां फेणयेचो वास

सां जुवांवचे फेस्त आयज नाच रे नाच 

घुमट कासाळें वाजोवन नाच गों नाच

नवीं लग्न जाल्ली हे फेस्त फुलयतात

कपेलां घालून गोयकार नेटान मीरयतात

परंपरा गोंयची जाल्या हीं खास

सां जुवांवचे फेस्त आयज नाच रे नाच 

घुमट कासाळें वाजोवन नाच गों नाच

फेस्ताच्या दिसा सांगोड सजयतात

बांयत उडकी मारुन सां जुवांव गाजयतात 

सन्ना पणस आनी फळांची रास

सां जुवांवचे फेस्त आयज नाच रे नाच 

घुमट कासाळें वाजोवन नाच गों नाच

देवाचो पूत

 देवाचो पूत

-जाॅन आगियार 

जल्मांक आयला देवाचो पूत

संवसारांत आयला शांतीचो दूत

गायतात गितां आंजभोडवे

कितलें म्हण तुजें गांवचें गोडशें

दुखेस्त आमकां पळोवन फुगार

गोठ्यांत जल्मलो तरणहार

भावार्थ आमचो जिवो आसा

तुज्याच हातांत तुजोच गूट

जल्मांक आयला देवाचो पूत

संवसारांत आयला शांतीचो दूत

दक्षीणेंतल्यान राजा आयले

नखेत्रान तांकां दाखयली वाट

मेंढ्रे राखणे न्हिदेंत आसले

शांत न्हिदिल्ली आसली ती रात

आंज वयल्यान उडत आयले

म्हणूक लागले न्हिदेंतले उठ

जल्मांक आयला देवाचो पूत

संवसारांत आयला शांतीचो दूत

जय जय गोंय म्हजें

 जय जय गोंय म्हजें

-जाॅन आगियार 

जय जय गोंय म्हजें

जय जय गोंय म्हजें

जाण्टेल्यांच्या शिरांनी लेगीत

हांगा रगत व्हांवता ताजें

घर्तरे वेलो सर्ग गोंयच्या सारको ना कांय

दर्याची ल्हारां येवन ताचे धुतात पांय

जेन्ना म्हाका कोणय हांव खंयचो म्हण विचारता

तेन्ना गोंयकार म्हण हड्डें‌ फुलता म्हजें

जय जय गोंय म्हजें

जय जय गोंय म्हजें

जाण्टेल्यांच्या शिरांनी लेगीत

हांगा रगत व्हांवता ताजें

हांगा ज्ञान, विज्ञान, संगीत, कलेचो इतिहास 

मेळून रावतात सगळे ना कोणाचोच दुस्वास

न्हंयो, झरी दर्यावेळो, पांचवींचार‌ रानां 

सुखान फुलतात मनां, गोंय सूख म्हजें

जय जय गोंय म्हजें

जय जय गोंय म्हजें

जाण्टेल्यांच्या शिरांनी लेगीत

हांगा रगत व्हांवता ताजें

   

हुकमी राजवटीन त्रासली ही भूंय

पर्वा केली ना आर्मांची गूळी

जिवा रक्ताची केली ताणी होळी

जुल्माच्या पाशांनी घुसपल्लें गोंय म्हजें 

जय जय गोंय म्हजें

जय जय गोंय म्हजें

जाण्टेल्यांच्या शिरांनी लेगीत

हांगा रगत व्हांवता ताजें

झरीचें गोड उदक पिवून व्हड आमी जाले

हिंदू क्रिस्तांव मागीर,पयलीं गोंयकार म्हण जगले

रीण कशें फारीक करतले तुमचें...!

कर्तूब आयकून तुमचें आंग शिरशिरलें आमचें!

जय जय गोंय म्हजें

जय जय गोंय म्हजें

जाण्टेल्यांच्या शिरांनी लेगीत

हांगा रगत व्हांवता ताजें

बायलांनी लेगीत लढ्यांत उडी घाली

दोतोर लोहयान वाट दाखोवन दिली

जाण्टेल्यांच्याच त्यागां खातीर

आज खूशाल घर तुजें

जय जय गोंय म्हजें

जय जय गोंय म्हजें

जाण्टेल्यांच्या शिरांनी लेगीत

हांगा रगत व्हांवता ताजें

गोंयकारा तूं मतींत धर

ही वीर गाथा फुडें व्हर

आमच्या घीट पुतांनी फिरग्यांक

धाडले मात्यार घेवन वजें

जय जय गोंय म्हजें

जय जय गोंय म्हजें

जाण्टेल्यांच्या शिरांनी लेगीत

हांगा रगत व्हांवता ताजें

विलीनीकरणाक फाट करून दाखयली वळख

उजवाडांत आयले पयस करून काळोख

सिकेरा सारक्या फुडार्‍यांनी राखून दवरली वंय

धीट राव विसर नाका मूळ तुजें 

जय जय गोंय म्हजें

जय जय गोंय म्हजें

जाण्टेल्यांच्या शिरांनी लेगीत

हांगा रगत व्हांवता ताजें

गोवा ईज बेस्ट...

 गोवा ईज बेस्ट...

-जाॅन आगियार

भोंवडेकारानों गोंयांत येयात

भरपूर मजा मस्ती करात

सोरो पियेवन दर्यावेळेर 

पिकनीक तुमी फुलयात

मेळत तश्यो गाडयो 

गोंयच्या रस्त्यांचेर चलयात

सगळें सोसून रावतात कित्याक

तुमी आमचे गेस्ट

व्हेल्कम टू गोवा, गोवा ईज बेस्ट

कितलीं फेस्तां चलता हांगां

दुर्गुणांचो आस्वाद मेळता हांगां

सुटके झुजाऱ्यांनी गोंय

असलें चिंतले ना

असलें पळोवपाक तांणी

गोंय परत घेतलें‌ना

आदलें कांयच ना भावा, 

आतां गोंयचें जालां वेस्ट

व्हेल्कम टू गोवा, गोवा ईज बेस्ट

काळजां......

काळजां......

-जाॅन आगियार

एकठांय आसलीं काळजां आमचीं

आतां उरूंक नात तशीं

सांगात धरूंक जमलो ना

कितलीं आमी पिशीं

न्हिदूय आतां पडना जाल्या

सपनांय पडनात कशीं

दोळ्यांत आयलीं दुकां

आनी भिजून गेलीं उशीं

घाये......

 घाये......

-जाॅन आगियार

घाये जाल्यात काळजार म्हज्या

मीठ तांचेर चोळूं नाका

म्हज्यांतलें हांव थकलां आतां

पुरो, आनीक खेळूं नाका

जाल्लें गेल्लें सोड आतां

सपनांत लेगीत मेळूं नाका

म्हजें किदेंय बरें जाल्यार

दोळे फोडून जळूं नाका

एक एक थेंबो...

एक एक थेंबो...

-जाॅन आगियार

एक एक थेंबो रक्ताचो

जेजून वारयलो आमचे खातीर

दोंगरावेली वाट माडयली

आपलोच खुरीस धरून फाटीर

आमच्या खातीर सांगलें देवाक

दूख तूवें सोसलें जिवाक

काट्यांचो मुकुट मात्यार

खिळे मारले पांयार, हातीर

एक एक थेंबो रक्ताचो

जेजून वारयलो आमचे खातीर

दोंगरावेली वाट माडयली

आपलोच खुरीस धरून फाटीर

कुड्ड्यांक दिली नदर तूवें

मेल्ल्यांक तुवें उठयले

कांयच नासलें थंय भरलें

नुस्तें सां पेद्रूचे बोटीर

एक एक थेंबो रक्ताचो

जेजून वारयलो आमचे खातीर

दोंगरावेली वाट माडयली

आपलोच खुरीस धरून फाटीर

गणित...

गणित...

-जाॅन आगियार 

तुज्यो वाटो वेगळ्यो भावा

म्हजो वेगळो गांव रे!

जिणे दोरयेंत गळ्या मेरेन

घुस्पून उरला हांव रे!

बेस्टेच येतात आळ आंगार

नासून म्हजो गुन्यांव रे!

कोले-भालू फाटल्यान लागल्यात

कोणाचें घेवं नांव रे?

म्हाकाच कळना गणित म्हजें

किशें सांगू हांव रे?

उतर...

 उतर...

-जाॅन आगियार 

तुका उतर दिलें खरें

अजून उतर पाळचें आसा

तुजो संयम पळोवचे खातीर

आपालिपा खेळचें आसा

तुज्यांत म्हज्यांत अंतर कित्याक

अजून म्हाका कळचें आसा

दोळ्यांत येवन रावलां दूक

पोल्यार अजून गळचें आसा

घाये जाल्यात कोणाक तांचेर

थोडें मीठ चोळचें आसा

सगल्यांक मेळून जालें आतां

परत तुकाच मेळचें आसा

तुका उतर दिलें खरें

अजून उतर पाळचें आसा

आतां

आतां...

-जाॅन आगियार 

वायट चिंतनां मनांतलीं

काडून भायर उडय आतां

वाटो मेळना फुडें जाल्यार

नव्यो वाटो घडय आतां

खर वत आसूं माथ्यार

तापिल्लो रस्तो माडय आतां

इतलीं बंधनां कित्याक तुजेर

जिवाक मेकळो सोडय आतां

कर्तृत्वान मान मेळटा देखून

तुजी वळख वाडय आतां.

जें जावन गेलां तें.....

 जें जावन गेलां तें.....

-जाॅन आगियार 

जें जावन गेलां तें

परत याद करूं नाका

जें रकयलां उदक जमनीर

कळशांत परत भरूं नाका

फुडें वचपांत शाणेपण आसा

फाटीं कसोच तूं सरूं नाका

जैताची घुडी उंच आसूं

कशीच सकयल ती धरूं नाका

तारुं तुजें वचूंदी फुडें

आतां फाटीं सरुं नाका

जें जावन गेलां तें

परत याद करूं नाका

आशेला हांव....

 आशेला हांव....

-जाॅन आगियार

कांयच ना काम म्हाका

बेकार हांव बसला

खूब पावसाळे गेल्यात आनी

बरेंच हांवें सोसलां

घर खावंक येता तरी

घरांतच हांव दसला

काळखा कुडींत बशिल्लो आतां

नळ्यांतल्यान कीर्ण दिसलां

परत उठचें दिसलें देखून

दोळ्यांतलें दूक पुसलां

आनीकय चलचें आसा म्हाका

जीण जगूंक आशेला

काळीज म्हजें.....

 काळीज म्हजें.....

-जाॅन आगियार

हळू हळू काळीज म्हजें

काळजाक तुज्या तेंकयलां

रिकाम्या काळजांत तुज्या 

हांवें मोगा म्होंव रकयलां

अमुरपिकें मोगा फळ

नकळत म्हज्यांत पिकयलां

म्हजें मोगा दुयेंस तुवें

ओंठां दिखान पेखयलां

कांट्यांतल्यान काडूंक फुडली

वाट काळानूच दाखयलां

निडर जावन पावलांय मारूंक

जिणेन आतां शिकयलां

हळू हळू काळीज म्हजें

काळजाक तुज्या तेंकयलां

भंय दिसता...

 भंय दिसता...

-जाॅन आगियार

दुसऱ्या कोणाचोच न्हय रे बाबा

म्हजो म्हाकाच भंय दिसता

काळोखाचो  न्हयच  न्हय

वतांतल्या सावळ्यांचो भंय दिसता

बावल्यांक लेगीत बसयल्यांत यंत्रां

म्हाका बावल्यांचो भंय दिसता

पिंडाक आशेल्यात कावळे हांगां

आतां कावळ्यांचो भंय दिसता

दवले भरल्यात तरां तरांचे

धवळपी दवल्यांचो भंय दिसता

रक्तां गळयलीं....

 रक्तां गळयलीं....

-जाॅन आगियार

गोंय स्वतंत्र करचे खातीर

रक्तां गळयलीं

जाणटेल्या फुडाऱ्यांनी

सपनां पळयलीं

दोतोर लोहियान दिलो नारो

बंडाचो व्हांवलो वारो

स्वातंत्र्य सैनिकांनी घालो

बुन्यादीचो चिरो

देशाच्या मोगान सगळीं

मनां तांणीं फुलयलीं

गोंय स्वतंत्र करचे खातीर

रक्तां गळयलीं

जाणटेल्या फुडाऱ्यांनी

सपनां पळयलीं

कपलाक लावन रक्तांचे तिबे

जुलमा आड रावले उबे

पळोवन आमचें बळ

फिरंग्यांचे हाल्ले धाबे

काळजांतल्यान गोंयच्या खातीर

मोनीं लेगीत उलयलीं

गोंय स्वतंत्र करचे खातीर

रक्तां गळयलीं

जाणटेल्या फुडाऱ्यांनी

सपनां पळयलीं

नवो काळ

 नवो काळ

-जाॅन आगियार

नवो काळ आयला आनी..

मनीस घुसपून गेला

दर एकल्या भितर आज

'यंत्र मानव' तयार जाला

मनशाक मनीस वळखना

दोस्ताचो दुसमान केला

जीव आसा म्हूण जियेता

मनीस भितरल्यान मेला

 

धन दौलत नाका तुजी...

 धन दौलत नाका तुजी...

-जाॅन आगियार

धन दौलत नाका तुजी

नाका तुजो पावर

जाता जाल्यार अपुरबायेन

फाटीर हात दवर

मान मर्यादा वचत तुजी...

मत्सो आता सावर

पुस्तकाचो अदमास किद्याक घेता

पळोवन ताचें कव्हर ?

मायेचो हात..

 मायेचो हात..

-जाॅन आगियार

मायेचो हात तुजो

देवा म्हजेर फिरय

जिविताच्या पानार म्हज्या

धवो रंग सारय

परत जगतां देवा हांव

जीण नव्यान बरय

धीर धर....

 धीर धर....

-जाॅन आगियार

धीर धर रे मात्सो

वायट दिस फाटीं उरतले 

आज जे हासतात तूका

फाल्यां तूज़ेच पाय धरतले

अमृत घेवन कोण ना

सगळेच जाण मरतले

उलयलेले शब्द मात तूजे

काळजा काळजांत उरतले

काणीं मोगाची....

 काणीं मोगाची....

-जाॅन आगियार

तूजी नशिली नदर

म्हज्या दोळ्यांमेरेन पावूं दी

तूज्या प्रितीची मदिरा

म्हाका थोडी थोडी पिवूं दी

आज म्हाका सोडात मोकळो

मद्यधुंद जावूं दि

म्हजी ही काणी मोगाची

गितांतल्यानच गावूं दि

दिवाळेच्या दिसा....

 दिवाळेच्या दिसा....

-जाॅन आगियार

दिवाळेच्या दिसा उमेदिचीं ल्हांरां 

उजवाड करुन आर्गां भेठोवया

जाती काती,भेद भाव, नसाय वायटपण

असल्या वण्टींत आमी मेळून मिठोवया

वायटांचेर आमी जैत मेळोवया

एकचाराचीं बीयां काळजानी रुजोवया

हो सण एकवोटान मनोवया

नरकासूरांक मारुन पंट्यो पेठोवया

जिणेक.....

 जिणेक.....

-जाॅन आगियार

तूवें जंय वाट दाखयली

मनाक वचूंक सांगलें हावें

हे जिणें तूज्या खातीर

खूब किदें जागलें हांवें

केन्नाय गोड अणभव दीले

केन्नाय कोडू भोगलें हांवे

सोंपणां वयर चडट्टां चडट्टां

निसरुन पडपय सोसलें हावें

नितळ मनान फूडें वचूंक

देवा कडें मागलें हावें

तूज़ेंच खातीर हे जिणें

रुपणें  भायल्यान रंगयलें हांवे

खूब फावटी अर्देच वाटेर

सपन भंग केलें हावें

हांगाच आतां पडाव घेतां

जीणेंत खूब शिकलें हांवें

तूका मेळूंक.....

 तूका मेळूंक.....

-जाॅन आगियार

दूकां म्हजीं पोठलेंत घेवन

तूका मेळूंक आयलां

इतलें भीवपाचें कित्याक आतां

मोग खेळूंक आयलां

थकिल्लीं म्हजी हाडां घेवन

संवसाराचेर जळूंक आयलां

जांण्टेपणार परत एक फावट

प्रीतीचें बीं घालूंक आयलां

ब्लैक अँड व्हायट

 ब्लैक अँड व्हायट

--जाॅन आगियार

उदक मागिल्लें हांवें खर्यानीच

तूमीच म्हाका हूर्राक दिलां

हांव साप बोरो ना म्हण

कोणे बेशटेंच वार्यार घालां

फोनार फोन येत रावले आनी

हांव खर्यानीच दूयेंत जालां

रंग सगळेच उबून आतां

जिवित 'ब्लैक अँड व्हायट' केलां

उतरांचे घाये जाल्यात इतले

हांव जितेपणीच आतां मेलां

धर्मांच्या नावार .....

धर्मांच्या नावार .....

--जाॅन आगियार

धर्मांच्या नावार

कितलें म्हण सोंसचें आमीं

मनशां मनशां मदलीं झगडीं

कशीच जायनात कमीं

आमी सगळे मनीस देखून

मनीसपणन वागूंक जाय

एका मेकांक हात दिवन

मनीस धर्म जागोंवक जाय

जग फूडें पावलें कितलें

आमी कशे रे रीकामी?

धर्मांच्या नावार

कितलें म्हण सोंसचें आमीं

मनशां मनशां मदलीं झगडीं

कशीच जायनात कमीं

सोडून सगळे भेद भाव

सगळ्या धर्माचो राखया मान

मन भटकल्यर दोळे धापून

एक चित्तान करचें घ्यान

शांती घडोवंक गोंयकार 

कशेच पडचें ना रे कमीं

धर्मांच्या नावार

कितलें म्हण सोंसचें आमीं

मनशां मनशां मदलीं झगडीं

कशीच जायनात कमीं

तो दीस....

तो दीस

जाॅन आगियार

तो दीस येवंचो आसा

ज्या दिसा....

सगळे दोस्त याद येतलें

कोणाच्या उपकारांन रांव....?

तो दीस येवंचो आसा

ज्या दिसा....

जेन्ना म्हज्यांतलो अकस्मात 

नां जातलों 'हांव'....

तो दीस येवंचो आसा

ज्या दिसा....

मतदान यादिंतलें 'दिलीट' जातलें

म्हजें नांव...

तो दीस येवंचो आसा

ज्या दिसा 

विसरतलो म्हाका पूराय

म्हजो गांव.....

धवी बडी.....

 धवी बडी.....

जाॅन आगियार

काळोख जालां संवसार म्हजो

दोळ्यांनी म्हाका दीसनां कांय

हातांत धवी बडी धरतां

वयतां व्हरतात थंयसर पांय

जिण रीकामी कशी जाल्या

उदक ना आसूंन बांय

हांडानी अजून दम आसा

लोकांचे म्हाका पडूनां कांय

दार दूसरें उघडें जातलें

शक्ती दिगे धर्तरी मांय

फटकिरो हांसो

 फटकिरो हांसो

जाॅन आगियार

बडी पट्टा 

तेन्नाच वाजता ढोल

सत्याचे घावे

सदांच बसतात खोल

वकला शिवाय नदर

हाकाच खरें मोल

आनी देखून.....

सत्याचे घावे

हांव घालीत वतां

फटकिरो हांसो

 घेवन भोवनां

सपन.

 सपन...

जाॅन आगियार

मनातल्यान हळू हळू

आयलें काळजांत

काळजांतल्यान लीप चोरयां

बसलें दोळ्यांत

दोळ्यांतल्यान येवन 

रावलां सपनांत

आनी आतां.......

फक्त सपनच उल्लां

मोगांन कोण वागना....

 मोगांन कोण वागना....

जाॅन आगियार

उदक आसा सगळ्याक तरी

म्हजी तान भागना

थंड शितळ वारें व्हांवता

म्हाका मातय लागना

म्हज्या फाटल्यान खबरी करतात

म्हाका कोण सांगना

सगळ्यो नदरो निष्टूर जाल्यात

मोगांन कोण वागना

दोळ्यांची भास.....

 दोळ्यांची भास.....

जाॅन आगियार

दोळ्यंक दोळ्यांची भास

समजलीच ना

म्हजी उतरां तूजे मेरेन

आनी तूजीं म्हजें मेरेन

पावलीच ना

तूवें थोडें सांगपाचें म्हाका

हांवें थोडें  म्हणपाचें तूका

तरण्या काळजांक हीं गणीतां

जमलींच ना

एका थांब्यार आमचीं मना

रावलींच ना

आमची उतरां तोणांतल्यान भायर

पावलींच ना

फूलां फूलना....

 फूलां फूलना....

जाॅन आगियार

म्हज्या काळजाक किदें जालां

कांयच म्हाका कळना

दोतोरांक दाखयले पूण

उपाय ताचेर मेळना

दूकां म्हजी सूकूंन गेल्यांत

एकय दूक गळना

झाडां मोगाचीं बावूंन गेलीं

फूलां आता फूलना

कशीं.....

 कशीं.....

जाॅन आगियार

तूजीं पत्रां अजून दवरल्यांत

जळयतलो कशीं

पत्तो बदल्ला तूजो आतां

उतरां कळयतलों कशीं

न्हीद पूराय जायना म्हजी

सपनां पळयतलो कशीं

जिणे सूर शेणल्यत

गितां गायतलों कशीं

कामना....

 कामना....

-जाॅन आगियार

काळजाक केल्लो घावो तूवें

रगत अजून थामना

मन म्हजें अस्वस्त जालां

खंयच आतां रमनां

फटिगपणाचे भूरखे घालून

म्हाका मीरोंवक जमना

केन्ना कांय पूरी जायत

म्हज्या मनची कामना

दूकां.....

 दूकां.....

-जाॅन आगियार

काळो चश्मो घाल्यार दोळ्यांत

काळेंच तूं पळयतोलो

तकलेंत वायट आसल्यार तूज्या

वायटच तूं उलयतोलो

स्वार्थ आनी रागान भरल्यार

दूसर्याक तूं जळयतलो

काळीज अशें निबर‌ केल्यार

दूकां कशीं गळयतलो?

नसायेच्या जगांत

 नसायेच्या जगांत

नसायेच्या जगांत ह्या

मोगा राज्य बसोवया

दूकां पुसून रडटल्याचीं

सगळ्यांक आमी हांसोवया

सगळ्यांक आमी हांसोवया

दुख्ख कोणाक चुकना

भोगचें आसा भोगुया

वाटेर कांटे आसूं दि

काढुन फुलांनी न्हेसोवया

दूकां पुसून रडटल्याचीं

सगळ्यांक आमी हांसोवया

सगळ्यांक आमी हांसोवया

मन धीट करून आमी

ताट मानेन जगुया

संवसारांतलीं वआयटआं

एकवटान लासोवया

दूकां पुसून रडटल्याचीं

सगळ्यांक आमी हांसोवया

सगळ्यांक आमी हांसोवया

दामबाबा तु पाव रे

 दामबाबा तु पाव रे 

जाॅन आगियार

आमच्या उल्याक धाव रे

राख तु  पावला पावलाक  आमकां

आमच्याच काळजांत राव रे

भक्ताच्या उतरांतल्यान

तूच देवा उलयता

सर्व शक्तिशाली खरो

तूच जग हें चलयता

गरजेवन्तांक आदार करपी

म्हण तुजे नाव रे

दामबाबा तु पाव रे !

आमच्या उल्याक धाव रे

तुजे शांत रूप पळौवन

मनांक मेळटा धादोसकाय

आलतडीन आमचे व्हडे

देवा पलतड़ीन पाय

त्रासांत आसल्यार आमी

देवा फाटल्यान आमच्या राव रे

दामबाबा तु पाव रे !

आमच्या उल्याक धाव रे

वाट गूस्पल्या.....

 वाट गूस्पल्या.....

-जाॅन आगियार

वाट गूस्पल्या म्हजी

देवा तूजो हात दी

गूप्प काळोख मूकार

उजवाडाची वात दी

थकलां जीणेत आतां

विसव घेवंक रात दी

ओळख शेणल्य देवा

म्हाका एक "जात" दी

कशे.....?

कशे.....?

-जाॅन आगियार

तूजे औठ म्हज्या दोळ्यांक

हळूच फूकूंन गेले

तूजे मोने ईशारे आज

म्हज्या मनांक मोखून गेले

वाट पळयत पळयत तूजी

म्हजे दोळे थकून गेले

फाटीर घोलपी केंस तूजे

म्हजे काळीज जिकून  गेले

मोगाचे पेले दवरलेले भरून

कशे  रकून गेले?

नाचत नाचत यो गणराया

 नाचत नाचत यो गणराया

-जांँन आगियार

नाचत नाचत यो गणराया

वक्रतुण्ड तूं महाकाय

श्री गजानऩा लम्बोदरा

शूर वीर तूं गणाचो राजा

काळजांत रावता भक्तांच्या

विघ्न विनाशक प्रभु तूं,

सिद्धि विनायकय तूंच देवा,

नाचत नाचत यो गणराया

वक्रतुण्ड तूं महाकाय

श्री गजानऩा लम्बोदरा

मोदक लाडू खायत यो

हसत नाचत गायत यो

पयले पूजन करतल्यांक,

मेळता ‌कृपेची माया

नाचत नाचत यो गणराया

वक्रतुण्ड तूं महाकाय

श्री गजाऩा लम्बोदरा

जीण म्हळ्यार.....

 जीण म्हळ्यार.....

-जॉन आगियार

जीण दुखाचो दर्या

जीण कीर्णाचो सुर्या 

जीण म्हळ्यार एक भास 

जीण तुटील्या मनाची  आस 

जीण म्हळ्यार एक व्हडें

जीण म्हळ्यार कुवाडें

जीण देवाचें गुपीत

जीण एक कवीत

जीण संवसाराची रीत

जीण म्हळ्यार एक प्रीत

जीण मधुर संगीत

गीत गायत यो...

 गीत गायत यो...

-जॉन आगियार

कसलेंय संकट येंव दी धीट जायत यो

वाट अनोळखी आसत तर तूं गीत गायत यो

जिविताचो खेळ, संवसाराचो मेळ

बरें जावपाक केन्नाय लागता वेळ

संवसारांचे झटके मातशे खायत यो

घडचें आसा घडटलें, घट्ट जायत यो

कसलेंय संकट येंव दी धीट जायत यो

वाट अनोळखी आसत तर तूं गीत गायत यो

पावलां सारकीं मार जिणेत सकयल पडनाका

पडलो जाल्यारय उट बेगीन ओगीच रडनाका

वाटेच्या घायांक तूं  वखद लायत यो

काळीखी जर वाट जाल्यार वात लायत यो

कसलेंय संकट येंव दी धीट जायत यो

वाट अनोळखी आसत तर तूं गीत गायत यो

शांतादूर्गे आई

 शांतादूर्गे  आई

-जाॅन आगियार

शांतादूर्गे  आई म्हजे तुंच शांती दूत

आमी तूज्यो घूवो आनी  पूत

माये आमी तूज्यो घूवो आनी  पूत

दोळे लावून थकलो तुज्या वाटेक

आयलां हाव गे आतां तुज्या भेटेक

आमच्या जीणेतलो काळोख काडून 

उजवाडाची किर्णां म्हज्या काळजांत फाकय

वाट अडल्या  पावला जैताची  दाखय

शांतादूर्गे  आई म्हजे तुंच शांती दूत

आमी तूज्यो घूवो आनी  पूत

माये आमी तूज्यो घूवो आनी  पूत

जगांत शांती घडयल्या गे तूवे

वायटकारांक घालां तूवें दावें

तीन्ही लोकांत कीर्ती तूजी

तूज्याच उजवाडान आमचीं काळजां पेटय

संकटांन पडल्यांत जाल्यार आमकां वाटय

शांतादूर्गे  आई म्हजे तुंच शांती दूत

आमी तूज्यो घूवो आनी  पूत

माये आमी तूज्यो घूवो आनी  पूत

दोळे लावून थकलो तुज्या वाटेस

आलो आतां मी तुज्याच भेटेस

आमच्या आयुश्यातला काळोख काडून 

उजेडाची किर्णं  माज्या काळजात पाठव

वाट अडली पावलं यशाची दाखव

शांतादुर्गे आई आहेस तुच दूत 

आम्ही तुज्याच मुली आनी पुत्र

आई आम्ही तुज्याच मुली आनी पुत्र

देवा बोडगेश्वरा

 देवा बोडगेश्वरा

--जाॅन आगियार

आंगवण घेवन आयल्यात देवा बोडगेश्वरा

दर्शना शिवाय तूज्या आतां रांव नजो 

दयावान तूं देवा सगळ्यांचें आयकता

भक्तांक किदें ना किदें तूं दिता

तूज्या भक्तीचो काळजानी उजो

आमी सगळे तूजे आनी तूं देवा म्हजो

आंगवण घेवन आयल्यात देवा बोडगेश्वरा

दर्शना शिवाय तूज्या आतां रांव नजो 

बोडगिणीं रावन सगळ्यांक नदर दवरता

राखणदार तूच भक्तांक सावरता

जागृत दैवत तूंच सगळें उलयता

मन शांत जाता प्रभाव तूजो

आंगवण घेवन आयल्यात देवा बोडगेश्वरा

दर्शना शिवाय तूज्या आतां रांव नजो 

देवा रमनाथा

 देवा रमनाथा

--जाॅन आगियार

कितलें गोड नांव तूज़ें देवा रमनाथा

औठार सदांच उरूदी

जीण म्हजी तूज़ेंच सेवेंत सारुंदी

तुज्या म्हज्या वाटेर देवा

संवसाराचीं दोरां पांवची नांत

फाटीर आमच्या हात तूजो

वायटां लागींच रांवची नांत

तूज़ेंच भक्तीन आमचीं काळजां भरूदी

कितलें गोड नांव तूज़ें देवा रमनाथा

औठार सदांच उरूदी

जीण म्हजी तूज़ेंच सेवेंत सारुंदी

तूजो खरो आदार देवा

काळी वाटेर तूच वात

जीण केन्नाय भटकत जाल्यार

तूंच गा म्हजो सांगात

अरीश्टां कितलय येंव

मनांत ताचीं उरुंदी

कितलें गोड नांव तूज़ें देवा रमनाथा

औठार सदांच उरूदी

जीण म्हजी तूज़ेंच सेवेंत सारुंदी

हळू हळू फूलता तूं....

हळू हळू फूलता तूं....

-जाॅन आगियार

कॉलेजीक वतनां सदांच

वाटेर म्हाका मेळता तूं

चोरयानीच पळोवन म्हाका

तोंड फीरोवन पळता तूं

ईष्टां वांगडा साजेवेळार

बेडमिंटन खेळ खेळांता तूं

बलकांवाच्या झोपाळ्याचेर

अभ्यास करीत घोलता तूं

कळो  पाकळ्यो फूलयता

तशें हळू हळू फूलता तूं

मोगाचे मिलन.....

 मोगाचे मिलन.....

-जाॅन आगियार

वडाच्या मूळांचो बांघला झोपाळो

झोपाळ्यार तूका घोलयतलों हांव

दोळ्यांत दोळे मेळोवन पळय

मोगाचो खेळ खेळयतलों हांव

सुकणीं झाडाचेर ताल दीतात

गीत तूज़ेंर बरयतलो हांव

मोनो म्हाका समजूं नाका

मोगाचीं उतरां उलयतलों हांव

संवसाराची गाडी हांवें नेटयल्या

तूज्याच वांगडा चलयतलों हांव

हातांत म्हज्या  हात मेळय

मोगाचे मिलन फूलयतलों हांव

स्पर्श.

 

स्पर्श.....

-जाॅन आगियार

वाऱ्या वांगडा याद तूजी
म्हाका स्पर्श करून गेली

जिणेंत कितलीं सपनां आसलीं
आस मोगाची जिरून गेली

राणी म्हजी करूंक सोदी
राजाक एकटोच दवरून गेली

व्हकल  कशी जावन नेटून
दुसऱ्याचोच हात घरून गेली

काळीज सूकलां ,पूराय थकलां
दोळ्यांत दूकां भरून गेली

आयुश्याच्या कांठार‌ उबो
प्रीत म्हजी मरून गेली

John Aguiar was awarded by the Directorate of Art and Culture with "Kala Gaurav award for the year 2023 for his contribution to Literature

 John Aguiar was awarded by the Directorate of Art and Culture with "Kala Gaurav award for the year 2023 for his contribution to Literature.

Poetry for konkani XI th STD text book

 My poem "आमचो भारत म्हान" published in XIth std konkani text book "Zagor".  New konkani Vachan path for STD XIth introduced from this academic year .

The book by Goa Secondary

and Higher Secondary Board, Porvorim comprises short stories by late Chandrakant Keni, Late Gajanan Jog, Shri Vasant Bhagwant Sawant, Shri Ramnath Gawde, short Essays by Shri Datta Damodar Naik, Shri Somu Rao, Smt. Harsha Shetye, Smt. Naman Sawant Dhawaskar, Poetry by Shri R.  Ramnath, Smt. Nutan Sakhardande, Shri John Aguiar, Late Sanjiv Verekar, Shri Ibrahim Afghan, Shri Melwin Rodrigues, Smt. Smita Timble and Shri Ramesh Saju Ghadi. interviews by Prabhakar Trivikrim Vaidhya, Street Plays by Shri Kavindra Faldessai and Dr. Rajay Pawar.

Thankful to the  study Board and the Editorial Board: Shri Shrikant Palaskar-Co,nvenor, Shri Pramod Uttam Surlakar, Smt. Sucheta Pai, Dr. Prakash Paryenkar, Shri Ashok Sagun Naik, Shri Jack Rodrigues, Smt Trupti Prabhudessai, Smt. manisha Upadhye and Savlo Palyekar.

Editorial Board: Late Nityanand Naik, Dr. Rajay Pawar, Smt. Kashmiri Pawaskar, Smt. Varsha Naik, Shri Sanjay Talwadkar, Shri Minguel Mascarenhas.The cover of the book is designed by Shri Kalanand Kamat Bambolkar. The text book is published by Secretary, Goa SSC & HSSC Board.

Poetry recitation at a function by Samraat International

 POETRY has always been a part of human life. It is an art that lies in the soul and spirit of man since the beginning of time.

                                 *******

Recited my  poetry "Fatailye" on Saturday 9 th September at  Samrat club International State-1 , "Samrat kavyamahotsav-2023" presided over by none other than  Shri Arun Mhatre well known Marathi poet, lyricist, narrator and an activist at the Institute Menezes Braganza, Panjim. 

Thanks to the Samrat International and Institute Menezes Braganza coordinator Priya-kalika Bapat and her team.

Interraction on production of video Songs at Institute Menezes Braganza on August 28, 2023

 

Poets meet at Institute Menezes Braganza on the eve of Independence Day -2023

 

Poets meet at Sarvajanik Ganeshotsav, Verem 2023

 

बापूजीच्या तीन माकडां भशेन....

 

बापूजीच्या तीन माकडां भशेन....

-जाॅन आगियार

बापूजीच्या तीन माकडां भशेन
जीण जगूंक शिकात
वायट पळोवं नाकात
वायट आयकूं नाकात
वायट उलोवं नाकात

पयलीं भशेन नां आतां
मेजून मापून उलोवपाक शीक
उतरां सांबाळून वापर
कोणाकय लागता वीख
दुस्वास पयस करुन
मोगान काळजां जिकात

बापूजीच्या तीन माकडां भशेन
जीण जगूंक शिकात
वायट पळोवं नाकात
वायट आयकूं नाकात
वायट उलोवं नाकात

बापूजीचीं तीं उतरां
अजून वाचूंक गावतात
धर्म म्हणळ्यार वाटो वेगळ्यो
एकाच जाग्यार पावतात
एकाचाराचो बावटो घेवन
देशाचो मान राखात

बापूजीच्या तीन माकडां भशेन
जीण जगूंक शिकात
वायट पळोवं नाकात
वायट आयकूं नाकात
वायट उलोवं नाकात

मरण

 मरण

-जॉन आगियार

म्हजें मरण आज तूं  थरय 

आतां म्हाका हीं जीण नाका

आज हांव थकलां जिणेंत

मरणाची न्हीद दी म्हाका

मोगा-दारां बंद जाल्यांत

आशा सुटल्या मेकळ्या वाऱ्यार

सर भोंवतणी काळोख जाला

सावळी पासून म्हजी ना दारार

एक दुख्ख आसा तेंच म्हजें दीसता

देखून म्हजें मरण आज तूं  थरय

बैलांची जोडी

 बैलांची जोडी

-जॉन आगियार

हातांत म्हज्या बडी

काय बरी ओडटा गाडी

म्हज्या बैलांची जोडी  ।। २।।

हीरर  हीरर हीरर

दिसभर आमी काम केलें

सामान हेवटेंन तेवटेंन व्हेलें

बैलांक म्हज्या कामाची गोडी

काय बरी ओडटा गाडी

म्हज्या बैलांची जोडी  ।। २।।

हीरर  हीरर हीरर

गाडयेक म्हजें दिता रे ताल

बैलांच्या गळ्यांतली  घागऱ्यांची माळ

 थाटाची न्हंय आमची जीण सादी

काय बरी ओडटा गाडी

म्हज्या बैलांची जोडी  ।। २।।

हीरर  हीरर हीरर

बैलांक खावड घालूंक जाय

कष्टांचें फळ तांका मेळूंक जाय

न्हाणोवंक तांकां गांवांची खाडी

काय बरी ओडटा गाडी

म्हज्या बैलांची जोडी  ।। २।।

हीरर  हीरर हीरर

जीण

 जीण

-जॉन आगियार

जीण दुखाचो दर्या

जीण कीर्णाचो सुर्या 

जीण म्हळ्या एक भास 

जीण तुटील्या मनाची  आस 

जीण म्हळ्यार एक व्हडें

जीण म्हळ्यार कुवाडें

जीण देवाचें गुपीत

जीण एक कवीत

जीण संवसाराची रीत

जीण म्हळ्यार एक प्रीत

जीण मधुर संगीत

गीत गायत यो...

 गीत गायत यो...

-जॉन आगियार

कसलेंय संकट येंव दी धीट जायत यो

वाट अनोळखी आसत तर तूं गीत गायत यो

जिविताचो खेळ, संवसाराचो मेळ

बरें जावपाक केन्नाय लागता वेळ

संवसारांचे झटके मातशे खायत यो

घडचें आसा घडटलें, घट्ट जायत यो

कसलेंय संकट येंव दी धीट जायत यो

वाट अनोळखी आसत तर तूं गीत गायत यो

पावलां सारकीं मार जिणेत सकयल पडनाका

पडलो जाल्यारय उट बेगीन ओगीच रडनाका

वाटेच्या घायांक तूं  वखद लायत यो

काळीखी जर वाट जाल्यार वात लायत यो

कसलेंय संकट येंव दी धीट जायत यो

वाट अनोळखी आसत तर तूं गीत गायत यो

ल्हवूच.....

 ल्हवूच.....

-जॉन आगियार

काळजांत भितर येवन वच

मोगाची खुणा दिवन वच

मोग किदें तें म्हाका

ल्हवूच कानांत सांगून वच

सपनांत म्हज्या येवन तूं

म्हाका मात्शें मेळून वच

मोगाचो हो खेळ पोरणों

म्हजें वांगडा खेळून वच

मोग किदें तें म्हाका

ल्हवूच कानांत सांगून वच

मोग म्हाका भिजोवन गेला

तूंय मोगांन भीजून वच

पदर तुजो तोंडार धरून

अशेच म्हाका लजून वच

मोग किदें तें म्हाका

ल्हवूच कानांत सांगून वच

फुलां पळय फुल्यांत बागेंत

धांवत यो गों म्हजें वेंगेंत

म्हजे कुशीक बसून तूं

दोळ्यांत दोळे मेळोवन वच

मोग किदें तें म्हाका

ल्हवूच कानांत सांगून वच

  

फटयलें....

 

फटयलें....

-जॉन आगियार

तूवें म्हाका उतर दिलें

हांवें तूका काळीज दिलें

काळजाक तूवें सतयलें

अशें कित्याक फटयलें रे

अशें कित्याक फटयलें 

काळजाक म्हज्या उजो लागला

सोंसत रावलें हांव

जिबेर उतर हाडलें ना

जळत रावलें हांव

मोगा खेळ खबर नासलो

तुवें खेळूंक शिकयलें

अशें कित्याक फटयलें रे

अशें कित्याक फटयलें 

कित्याक तुवें केलें अशें

गावांत जालां हाशें

लोक म्हाका म्हणता पीशें

म्हाका समजून घेवना रे

सामकें तुवें विटयलें

अशें कित्याक फटयलें रे

अशें कित्याक फटयलें 

मिलन कशें घडलें नां ?

काळीज कशें जूळ्ळें ना ?

मोगाक खेळ समजलो रे

उतर तुवें पाळ्ळें ना

शांत आसलें मन हें म्हजें

तुवें कित्याक खवदळ्ळें

अशें कित्याक फटयलें रे

अशें कित्याक फटयलें 

आमचो भारत म्हान

जाँन आगियार

आमचो भारत म्हान

आमकां ताचो अभिमान

जंय गंगा व्हांवता

हिमालय उंच उबो रावता

जंय जात कात धर्म विसरुन

सगळे करतात बरें काम

देशाच्या नांवाचेर व्हांवतात 

हांगा आपलो घाम

विर पूतानो देशाच्या

तूमकां म्हजो सलाम

आमचो भारत म्हान

आमकां ताचो अभिमान

वंदे मातरम मंत्र 

आमच्या ओठां ओठार रावपाक जाय

बूरग्यां  पासून जाण्ट्यां मेरेन

देशाची व्हडवीक गावपाक जाय

जंय सगळे आमी एक

आनी कोणुच ना गूलाम

असल्या म्हज्या देशाक

म्हजो परतून परतून सलाम

आमचो भारत म्हान

आमकां ताचो अभिमान

शिर्डीच्या साईबाबा

-जाॅन आगियार

शिर्डीच्या साईबाबा तुच आमची शक्ती रे

मनां काळजांतल्यांन आमी करतात तुजी भक्ती रे

 साई तुज्या चरणा भितर

सगळो संवसार पळयळा आमी

कितलेय गुण गाउ तुजे

उतरांच आतां पडतात कमीं

दर्शनाक आतुर जाल्यात 

वाट दवर उक्ती रे

शिर्डीच्या साईबाबा तुच आमची शक्ती रे

मनां काळजांतल्यांन आमी करतात तुजी भक्ती रे

संकटात आसत तर तुजोच हात आमी घरतले

साई तुजेच कृपेन दोंगर मात करतले

दूकाचो हुवार पयस करून

सुखाची हाड सुक्ती रे

शिर्डीच्या साईबाबा तुच आमची शक्ती रे

मनां काळजांतल्यांन आमी करतात तुजी भक्ती रे

हर हर देवा गोमंतेश्वरा

हर हर देवा गोमंतेश्वरा

-जाँन आगियार

हर हर देवा गोमंतेश्वरा

तुं करुणाकर, दया सागरा

आँमकार प्रधान रूप पळैन भागता तान

सृष्टि वाचौवपक देवा केलें विष पान 

सर्पाचो हार सोबयता तुजी मान

तुंच म्हजो शिवा, गंगाधरा

हर हर देवा गोमंतेश्वरा

तुं करुणाकर, दया सागरा

दूघाचो अभिषेक आनी बेलाचें पान

तुज्या भक्तीन आमी आमचें विसरता भान

आमच्या उल्याक सदांच उक्तते तुजे कान

ॐ जय शिवा देवा ओंकारा

हर हर देवा गोमंतेश्वरा

तुं करुणाकर, दया सागरा

माथ्यार जटां हातन  कमंडल त्रिशूलधारी

पोरण्या गोयचोच न्हय विश्वाचो देव तुं

देवांचो देव,असंख्य भक्तांचो जीव तुं

जय जंय देवा महेश्वरा

हर हर देवा गोमंतेश्वरा

तुं करुणाकर, दया सागरा

नीलकंठ शंकरा

जाँन आगियार

नीलकंठ शंकरा जय भैरव नटराजा

हातांत  त्रिशूल त्रिशूलाचेर डमरू तूज्या

झठांनी व्हांवता गंगा 

माथ्यार तुज्या चांदोबा 

कांनांत तुज्या कुंडलां रे

गळ्यांत दोलता नागोबा

त्रिलोक स्वामी विश्वाचो राजा

नीलकंठ शंकरा जय भैरव नटराजा

हातांत  त्रिशूल त्रिशूलाचेर डमरू तूज्या

तूंच अनंत तूंच चंडाळ 

तूंच आकाश  तूंच पाताळ 

देवाचो देव मायेचो दरया

तूच जीण तूंच काळ 

शरण आयलां दारांत तुज्या 

नीलकंठ शंकरा जय भैरव नटराजा

हातांत  त्रिशूल त्रिशूलाचेर डमरू तूज्या

जय जय महालक्ष्मी

-जाॅन आगियार

जय जय महालक्ष्मी तुं समृद्धीची देवी

तुजीच भक्ती माये आमच्या भावार्थाची चावी

साळकांतले देवी तुं हात आमचो धर

दुख्खाचो दोंगर माये तुंच पयस कर

तुजे चरणी आयलां कर मायेचो शिंवर

कृपा दृश्टी तुजी सदांच भक्तांचेर दवर

तुज्या दर्शनान  आमची नदर जाता जिवी

जय जय महालक्ष्मी तुं समृद्धीची देवी

तुजीच भक्ती माये आमच्या भावार्थाची चावी

वैभवाची देवी तुं धनाची गे दाती

घनाक्षरी माते तु वैभव प्रदाती

आमच्या काळजानी माये सदाच वास कर

भाग्य विदाता खरी तु मायेची झर

तुज्या पासुनच मेळता भक्तांक स्फुर्त नवी

जय जय महालक्ष्मी तुं समृद्धीची देवी

तुजीच भक्ती माये आमच्या भावार्थाची चावी

माये म्हजे देवी नवदुर्गे

जाॅन आगियार

माये म्हजे देवी नवदुर्गे

स्वरूप तुजे सुंदर मदुर

तुजेच गोडवे गांवच्या खातीर

कांळजांतल्यान लागता हो सुर

पापां करतल्यांक तुवें

दाखयलें आपलें बळ

शरण आयल्यात तांकां

दिलें मायेचें फळ

तुज्या दर्शनाक माये भक्तांचो पुर

तुजेच गोडवे गांवच्या खातीर

कांळजांतल्यान लागता हो सुर

मायेचें पांगरूंण आवय

धाल आमचेर थोडें

कष्टांत आसल्यार आमी

पार कर आमचें व्हडें

भक्तीभावान आज भरुन आयला उर

तुजेच गोडवे गांवच्या खातीर

कांळजांतल्यांन लागता हो सुर

नाचत नाचत यो गणराया

 

-जांँन आगियार

नाचत नाचत यो गणराया

वक्रतुण्ड तूं महाकाय

श्री गजानऩा लम्बोदरा

शूर वीर तूं गणाचो राजा

काळजांत रावता भक्तांच्या

विघ्न विनाशक प्रभु तूं,

सिद्धि विनायकय तूंच देवा,

नाचत नाचत यो गणराया

वक्रतुण्ड तूं महाकाय

श्री गजाऩा लम्बोदरा

मोदक लाडू खायत यो

हसत नाचत गायत यो

पहले पूजन करतल्यांक,

मेळता ‌कृपेची माया

नाचत नाचत यो गणराया

वक्रतुण्ड तूं महाकाय

श्री गजाऩा लम्बोदरा

जिवीताचो आदार

जिवीताचो आदार

जाँन आगियार

खंय आसत आयज ती

मातयेचीं घरां

खंय आसात ती आयज

शेणान सारयिल्ली आंगणा

आज माडार थापील्यो

शेणयो जाल्या दुर्मीळ

झाडार बसून गितां गावपी

 शेवणीय चड दीसनात

खंय आसत ते रेंदेर

आनी पाडेली

खंय आसात ती आयज

शेतां आनी भाटां

वाट चुकिल्ले

खंय आसात ते आमी ?

आमच्यातले आमीच आज

ना जाल्यात

नवे वळखीचो 

जो लोटला हूवार

काढुन उडयलां मनशान

आपल्याच जीवीताचो आदार

गणपती बप्पा तूं करूणाकार

-जाँन आगियार 

वाजत गाजत येता

तूं उदराचेर सवार

गणपती बप्पा तूं करूणाकार

बाप्पा म्हजो तूं 

देव गोड गोड

काळजानी लागल्या देवा

तूजीच गा ओड

तूज्या सणाक सगळ्याक

खोश्येचें ल्हार

वाजत गाजत येता

तूं उदराचेर सवार

गणपती बप्पा  तूं करूणाकार

तूज़ें नांव घेतांच

हांव भरावूनन वतां

तूज्याच भक्तीन देवा

मग्न जातां

घरांत म्हज्या रावूंक यो

उगतें केलां दार

वाजत गाजत येता

तूं उदराचेर सवार

गणपती बप्पा  तूं करूणाकार

मिसळून घे देवा

तूं आमच्या भीतर

कृपा दवर तूजी

दी आमकां उतर

वतनां मात व्हर

आंमच्या दुकांचो भार

वाजत गाजत येता

तूं उदराचेर सवार

गणपती बप्पा तूं करूणाकार

थेंब्या थेंब्यानी

 थेंब्या थेंब्यानी....

-जाँन आगियार 

थेंब्या थेंब्यानी पावस पडटा

पावस पावस खेळया आमी...।। २।।

पावसान सगळें‌ वलें‌ केलां

सैम पांचवें चार जालां

वावझड मारून म्हज्या मनांत

भुरगेपण जिवें जालां

इश्टांक वांगडा घेवन

वले मातयेंत लोळया आमी

थेंब्या थेंब्यानी पावस पडटा

पावस पावस खेळया आमी...।। २।।

जेन्ना जेन्ना पावस येता

वारें मदुर संगीत दिता

नकळत म्हजें मन आतां

यादीनी उचांबळ जाता

कागदाचीं व्हडीं घेवन

पावसा उदकांत खेळया आमी

थेंब्या थेंब्यानी पावस पडटा

पावस पावस खेळया आमी...।। २।।

पावसान थेंब्या पोंदा अशेच

एक खीण रावन दिसता

भुरगेपण म्हजें आज

 म्हजे वांगडा नाचता

बेब्यां वांगडा उमेदीन

उदकांत उडयो मारया आमी

थेंब्या थेंब्यानी पावस पडटा

पावस पावस खेळया आमी...।। २।।

अपने हताश दिल में

 अपने हताश दिल में

- जॉन आगियार

अपने हताश दिल में

नई कली खिलने दो

जीत की ओर क़दम तुम्हारे

लोगों को दिखने दो

उम्मीद के फूल अब

तेरे दिल में खिलने हैं

निराश मन तें अब

किरण नई आनी है

सकारात्मक सोच में

मन को खेलने दो

यदि आप कोशिश करेंगे, 

अंधकारमय जीवन पर प्रकाश डालेंगे

अपने भाग्य की कली

आज या कल खिलेगी

अब सब बुराइयाँ

अग्निकुंड में जलने दो

अपने हताश दिल में

नई कली खिलने दो

जीत की ओर क़दम तुम्हारे

लोगों को दिखने दो

जीवनपथ पर हों काँटे

काँटों से फूल खिलेंगे

अब अपना रास्ता बनाकर

आपके क़दम चलेंगे

थके हुए शरीर को भी

एक नया रूप मिलने दो

अपने हताश दिल में

नई कली खिलने दो

जीत की ओर क़दम तुम्हारे

लोगों को दिखने दो

भगवान को.....

 भगवान को.....

- जॉन आगियार

भगवानजी, नीचे आइए और देखिए

आपने अनेक अवतार लिये हैं

अब और एक ले लीजिए

बड़ी मछली छोटी वाली खाती है

इनसानों का भी यही हाल है

चोर यहाँ सलामी लेता है

कोई भूखा है तो कोई खा रहा है

जनता की पीड़ा को ग़ौर से देखिए

आप यहाँ का हाल ऊपर बताइए

भगवानजी, नीचे आइए और देखिए

आपने अनेक अवतार लिये हैं

अब और एक ले लीजिए

आपने दुनिया बनाई

आपने जातियाँ नहीं बनाईं

प्रजाति-त्वचा के नाम पर

समाज बँटा हुआ है

छोड़ो तो भाग जाता है, पकड़ो तो काटता है

बिगड़े हुए को ठीक चलने दो

भगवानजी, नीचे आइए और देखिए

आपने अनेक अवतार लिये हैं

अब और एक ले लीजिए

संसार विपरीत हो गया है

अनुशासन लागू होना चाहिए

इससे पहले कि और पाप बढ़े

पूर्णविराम लगाना चाहिए

अराजकता है, सभ्यता भाग गई

आप धागों को मिला दीजिए

भगवानजी, नीचे आइए और देखिए

आपने अनेक अवतार लिये हैं

अब और एक ले लीजिए

जब-जब इनसान पर 

हुए अत्याचार 

तब-तब आपने लिये अवतार 

यहाँ दुख और पाप बढ़ गए हैं

हमारे नाम से आप भी

एक आँसू निकालिए

भगवानजी, नीचे आइए और देखिए

आपने अनेक अवतार लिये हैं

अब और एक ले लीजिए

संसार एक खेल है

 संसार एक खेल है

- जाॅन आगियार

संसार एक खेल है

भगवान ने इसे रचाया है

भाग्य का एक एक धागा

ईश्वर ने ही बुना है

प्यार, एकता आज

हममें से दूर गए हैं 

कर्तव्य, अनुशासन, दोस्ती भी

पैसों के पीछे चली गई है

लोगों में आज हर जगह

कड़वाहट फैल गई है

भाग्य का एक-एक धागा

ईश्वर ने ही बुना है

संसार एक खेल है

भगवान ने इसे रचाया है

भाग्य का एक एक धागा

ईश्वर ने ही  बुना है

अपनी ज़िम्मेदारी छोड़ दी तो

क्षण कठिन हो जाता है

एक स्थान पर स्थिर नहीं रहता

जीवन भ्रमित हो जाता है

जो बुरे कर्म करते हैं

भगवान ने रास्ता बंद किया है

भाग्य का एक-एक धागा

ईश्वर ने ही बुना है

संसार एक खेल है

भगवान ने इसे रचाया है

भाग्य का एक-एक धागा

ईश्वर ने ही बुना है

कुछ को ख़ुशी का हिस्सा

कुछ तो दर्द पाते हैं

सुख-दुख का ताना-बाना बुनकर 

भगवान ने वृक्ष बनाया है

वन फूलों का भी कैसा

परमल खिल गया है

भाग्य का एक-एक धागा

ईश्वर ने ही बुना है

संसार एक खेल है

भगवान ने इसे रचाया है

भाग्य का एक-एक धागा

ईश्वर ने ही बुना है

जीवन एक नाटक है

हम सब पात्र हैं

बोले गए रहेंगे

हरेक के शब्द

आगे का रास्ता चलना है

धुन में धुन मिली हुई है

भाग्य का एक-एक धागा

ईश्वर ने ही  बुना है

संसार एक खेल है

भगवान ने इसे रचाया है

भाग्य का एक-एक धागा

ईश्वर ने ही  बुना है

आयुष्याचा आधार

 आयुष्याचा आधार

जाँन आगियार

ती आज कुठे असतील?

मातीची घरे.

ते आज कुठे आहे?

शेणाने सारवलेले अंगण.

आज  शेणाच्या गोवर्या 

झाल्या दुमींंळ 

फांदीवर बसून गाणी गाणारे

 पक्षीही झाले  दिसेनासे 

ताडी काडणारे रेदेर

आज गायब झाले

नारळ तोडणारे पाडेली

 हरवले ते ही कुठल्या कुठे 

शेते भाटे दिसत नाही अवतीभवती

आपणच शोघत आहोत स्व:ताला

आज खरें तर आपणच 

 हरवत चाललो आहोत

नव्या ओळखीचा जो

उफाळून आला उमाळा

माणसानेच उपटून टाकला

 आयुष्याचा सनातन आधार

विष का देता

 विष का देता

जाँन आगियार

दुदा एवजी मला

चिक का देता

जगू दे ना स्वपन माझे

विष का देता

जाखमां माज्या अंगावर

सहन होत नाही

जाखमां ताज्या आहेत

मिठा का लावता

प्रेमा एवजी मला

भिक का देता

जगू दे ना स्वपन माझे

विष का देता