-जाँन आगियार
वाजत गाजत येता
तूं उदराचेर सवार
गणपती बप्पा तूं करूणाकार
बाप्पा म्हजो तूं
देव गोड गोड
काळजानी लागल्या देवा
तूजीच गा ओड
तूज्या सणाक सगळ्याक
खोश्येचें ल्हार
वाजत गाजत येता
तूं उदराचेर सवार
गणपती बप्पा तूं करूणाकार
तूज़ें नांव घेतांच
हांव भरावूनन वतां
तूज्याच भक्तीन देवा
मग्न जातां
घरांत म्हज्या रावूंक यो
उगतें केलां दार
वाजत गाजत येता
तूं उदराचेर सवार
गणपती बप्पा तूं करूणाकार
मिसळून घे देवा
तूं आमच्या भीतर
कृपा दवर तूजी
दी आमकां उतर
वतनां मात व्हर
आंमच्या दुकांचो भार
वाजत गाजत येता
तूं उदराचेर सवार
गणपती बप्पा तूं करूणाकार
No comments:
Post a Comment