गीत गायत यो...
-जॉन आगियार
कसलेंय संकट येंव दी धीट जायत यो
वाट अनोळखी आसत तर तूं गीत गायत यो
जिविताचो खेळ, संवसाराचो मेळ
बरें जावपाक केन्नाय लागता वेळ
संवसारांचे झटके मातशे खायत यो
घडचें आसा घडटलें, घट्ट जायत यो
कसलेंय संकट येंव दी धीट जायत यो
वाट अनोळखी आसत तर तूं गीत गायत यो
पावलां सारकीं मार जिणेत सकयल पडनाका
पडलो जाल्यारय उट बेगीन ओगीच रडनाका
वाटेच्या घायांक तूं वखद लायत यो
काळीखी जर वाट जाल्यार वात लायत यो
कसलेंय संकट येंव दी धीट जायत यो
वाट अनोळखी आसत तर तूं गीत गायत यो
No comments:
Post a Comment