जाँन आगियार
आमचो भारत म्हान
आमकां ताचो अभिमान
जंय गंगा व्हांवता
हिमालय उंच उबो रावता
जंय जात कात धर्म विसरुन
सगळे करतात बरें काम
देशाच्या नांवाचेर व्हांवतात
हांगा आपलो घाम
विर पूतानो देशाच्या
तूमकां म्हजो सलाम
आमचो भारत म्हान
आमकां ताचो अभिमान
वंदे मातरम मंत्र
आमच्या ओठां ओठार रावपाक जाय
बूरग्यां पासून जाण्ट्यां मेरेन
देशाची व्हडवीक गावपाक जाय
जंय सगळे आमी एक
आनी कोणुच ना गूलाम
असल्या म्हज्या देशाक
म्हजो परतून परतून सलाम
आमचो भारत म्हान
आमकां ताचो अभिमान
No comments:
Post a Comment