धर्मांच्या नावार .....
--जाॅन आगियार
धर्मांच्या नावार
कितलें म्हण सोंसचें आमीं
मनशां मनशां मदलीं झगडीं
कशीच जायनात कमीं
आमी सगळे मनीस देखून
मनीसपणन वागूंक जाय
एका मेकांक हात दिवन
मनीस धर्म जागोंवक जाय
जग फूडें पावलें कितलें
आमी कशे रे रीकामी?
धर्मांच्या नावार
कितलें म्हण सोंसचें आमीं
मनशां मनशां मदलीं झगडीं
कशीच जायनात कमीं
सोडून सगळे भेद भाव
सगळ्या धर्माचो राखया मान
मन भटकल्यर दोळे धापून
एक चित्तान करचें घ्यान
शांती घडोवंक गोंयकार
कशेच पडचें ना रे कमीं
धर्मांच्या नावार
कितलें म्हण सोंसचें आमीं
मनशां मनशां मदलीं झगडीं
कशीच जायनात कमीं
No comments:
Post a Comment