उतर...
-जाॅन आगियार
तुका उतर दिलें खरें
अजून उतर पाळचें आसा
तुजो संयम पळोवचे खातीर
आपालिपा खेळचें आसा
तुज्यांत म्हज्यांत अंतर कित्याक
अजून म्हाका कळचें आसा
दोळ्यांत येवन रावलां दूक
पोल्यार अजून गळचें आसा
घाये जाल्यात कोणाक तांचेर
थोडें मीठ चोळचें आसा
सगल्यांक मेळून जालें आतां
परत तुकाच मेळचें आसा
तुका उतर दिलें खरें
अजून उतर पाळचें आसा
1 comment:
सुंदर विचारांनी एक एक उतर बरयला तुमी.
Post a Comment