बापूजीच्या तीन माकडां भशेन....
-जाॅन आगियार
बापूजीच्या तीन माकडां भशेन
जीण जगूंक शिकात
वायट पळोवं नाकात
वायट आयकूं नाकात
वायट उलोवं नाकात
पयलीं भशेन नां आतां
मेजून मापून उलोवपाक शीक
उतरां सांबाळून वापर
कोणाकय लागता वीख
दुस्वास पयस करुन
मोगान काळजां जिकात
बापूजीच्या तीन माकडां भशेन
जीण जगूंक शिकात
वायट पळोवं नाकात
वायट आयकूं नाकात
वायट उलोवं नाकात
बापूजीचीं तीं उतरां
अजून वाचूंक गावतात
धर्म म्हणळ्यार वाटो वेगळ्यो
एकाच जाग्यार पावतात
एकाचाराचो बावटो घेवन
देशाचो मान राखात
बापूजीच्या तीन माकडां भशेन
जीण जगूंक शिकात
वायट पळोवं नाकात
वायट आयकूं नाकात
वायट उलोवं नाकात
No comments:
Post a Comment