फटयलें....
-जॉन आगियार
तूवें म्हाका उतर दिलें
हांवें तूका काळीज दिलें
काळजाक तूवें सतयलें
अशें कित्याक फटयलें रे
अशें कित्याक फटयलें
काळजाक म्हज्या उजो लागला
सोंसत रावलें हांव
जिबेर उतर हाडलें ना
जळत रावलें हांव
मोगा खेळ खबर नासलो
तुवें खेळूंक शिकयलें
अशें कित्याक फटयलें रे
अशें कित्याक फटयलें
कित्याक तुवें केलें अशें
गावांत जालां हाशें
लोक म्हाका म्हणता पीशें
म्हाका समजून घेवना रे
सामकें तुवें विटयलें
अशें कित्याक फटयलें रे
अशें कित्याक फटयलें
मिलन कशें घडलें नां ?
काळीज कशें जूळ्ळें ना ?
मोगाक खेळ समजलो रे
उतर तुवें पाळ्ळें ना
शांत आसलें मन हें म्हजें
तुवें कित्याक खवदळ्ळें
अशें कित्याक फटयलें रे
अशें कित्याक फटयलें
No comments:
Post a Comment