नवें वर्स
-जाॅन आगियार
नवीं किर्णी, नवीं सपना
नवें रंग, नवे उमाळे
नव्या वर्सा तुका येवकार दितां
उमेदीन भरुन दोळे
बरें वायट फाटल्यान गेलें
आतां किदें तूं बरें हाड
कडू आमट सोसून जालें
येतनां वांगडा गोडसाण हाड
मध्यान रातीर येवकाराक उबो
दवान भिजले म्हजे पोले
नवीं किर्णी, नवीं सपना
नवें रंग, नवे उमाळे
नव्या वर्सा तुका येवकार दितां
उमेदीन भरुन दोळे
गेल्य वर्सा परस तूज्या काळांत
आनीकय बरें जांव
ल्हाना पासून जांण्ट्या मेरेन
सगळे तजीच व्हडवीक गांव
खूशालकाय मनयतले तूज्या येण्याची
आमी गळ्यांत घालून गळे
नवीं किर्णी, नवीं सपना
नवें रंग, नवे उमाळे
नव्या वर्सा तुका येवकार दितां
उमेदीन भरुन दोळे
No comments:
Post a Comment