दामबाबा तु पाव रे
जाॅन आगियार
आमच्या उल्याक धाव रे
राख तु पावला पावलाक आमकां
आमच्याच काळजांत राव रे
भक्ताच्या उतरांतल्यान
तूच देवा उलयता
सर्व शक्तिशाली खरो
तूच जग हें चलयता
गरजेवन्तांक आदार करपी
म्हण तुजे नाव रे
दामबाबा तु पाव रे !
आमच्या उल्याक धाव रे
तुजे शांत रूप पळौवन
मनांक मेळटा धादोसकाय
आलतडीन आमचे व्हडे
देवा पलतड़ीन पाय
त्रासांत आसल्यार आमी
देवा फाटल्यान आमच्या राव रे
दामबाबा तु पाव रे !
आमच्या उल्याक धाव रे
No comments:
Post a Comment