सां जुवांवचे फेस्त.....
-जाॅन आगियार
सां जुवांवचे फेस्त आयज नाच रे नाच
घुमट कासाळें वाजोवन नाच गों नाच
संवसारांत सांजावचें फेस्त नेटांन मनयतात
गोंयांत आमी बांयत उडी मारून गाजयतात
कोपीयांत जाय आमकां फेणयेचो वास
सां जुवांवचे फेस्त आयज नाच रे नाच
घुमट कासाळें वाजोवन नाच गों नाच
नवीं लग्न जाल्ली हे फेस्त फुलयतात
कपेलां घालून गोयकार नेटान मीरयतात
परंपरा गोंयची जाल्या हीं खास
सां जुवांवचे फेस्त आयज नाच रे नाच
घुमट कासाळें वाजोवन नाच गों नाच
फेस्ताच्या दिसा सांगोड सजयतात
बांयत उडकी मारुन सां जुवांव गाजयतात
सन्ना पणस आनी फळांची रास
सां जुवांवचे फेस्त आयज नाच रे नाच
घुमट कासाळें वाजोवन नाच गों नाच
No comments:
Post a Comment