हर हर देवा गोमंतेश्वरा
-जाँन आगियार
हर हर देवा गोमंतेश्वरा
तुं करुणाकर, दया सागरा
आँमकार प्रधान रूप पळैन भागता तान
सृष्टि वाचौवपक देवा केलें विष पान
सर्पाचो हार सोबयता तुजी मान
तुंच म्हजो शिवा, गंगाधरा
हर हर देवा गोमंतेश्वरा
तुं करुणाकर, दया सागरा
दूघाचो अभिषेक आनी बेलाचें पान
तुज्या भक्तीन आमी आमचें विसरता भान
आमच्या उल्याक सदांच उक्तते तुजे कान
ॐ जय शिवा देवा ओंकारा
हर हर देवा गोमंतेश्वरा
तुं करुणाकर, दया सागरा
माथ्यार जटां हातन कमंडल त्रिशूलधारी
पोरण्या गोयचोच न्हय विश्वाचो देव तुं
देवांचो देव,असंख्य भक्तांचो जीव तुं
जय जंय देवा महेश्वरा
हर हर देवा गोमंतेश्वरा
तुं करुणाकर, दया सागरा
No comments:
Post a Comment