काळीज म्हजें.....
-जाॅन आगियार
हळू हळू काळीज म्हजें
काळजाक तुज्या तेंकयलां
रिकाम्या काळजांत तुज्या
हांवें मोगा म्होंव रकयलां
अमुरपिकें मोगा फळ
नकळत म्हज्यांत पिकयलां
म्हजें मोगा दुयेंस तुवें
ओंठां दिखान पेखयलां
कांट्यांतल्यान काडूंक फुडली
वाट काळानूच दाखयलां
निडर जावन पावलांय मारूंक
जिणेन आतां शिकयलां
हळू हळू काळीज म्हजें
काळजाक तुज्या तेंकयलां
No comments:
Post a Comment