जिणेक.....
-जाॅन आगियार
तूवें जंय वाट दाखयली
मनाक वचूंक सांगलें हावें
हे जिणें तूज्या खातीर
खूब किदें जागलें हांवें
केन्नाय गोड अणभव दीले
केन्नाय कोडू भोगलें हांवे
सोंपणां वयर चडट्टां चडट्टां
निसरुन पडपय सोसलें हावें
नितळ मनान फूडें वचूंक
देवा कडें मागलें हावें
तूज़ेंच खातीर हे जिणें
रुपणें भायल्यान रंगयलें हांवे
खूब फावटी अर्देच वाटेर
सपन भंग केलें हावें
हांगाच आतां पडाव घेतां
जीणेंत खूब शिकलें हांवें
No comments:
Post a Comment