सावली मानीसपणाची
जॉन आगियार
लग्नाच्या पंगतीक आमी जमतात
आहेराचो लिफाफो हासत दितात.
पण हॉस्पिटलच्या दारांत जेन्ना वतात,
फक्त रिकामी हात कित्याक आसतात?
थंय जीव मरणाशी झुंज दित असता,
बोल्साचो भार मात कमी जायत असता.
वखदांच्या बिलांची यादी मोठी
कुटुंबाची खाली जाता पोती.
फक्त विचारपूस आतां पुरो जाली,
आकांतावेळार आदारय गरजेचो
येताना एक लिफाफो वांगडा हाडचो,
मनिसपणाचो नवो धर्म जगवचो
पिडेस्तांची खबर घेवप तांका
खूशाल भरीत करता
अडचणीच्या वेळार जो हात घरता
खरो देव तोच ठरता
No comments:
Post a Comment