पयलीं सारखें...
— जॉन आगियार
फोंडें पयलीं सारकें ना आता,
हांव यादींच्या धुवरांत शेणून वतां.
जंय सारलें म्हजें भुरगेंपण,
एकवटान मनयले आमी सण;
तें घरय आतां ना थंय.
ज्या आंगणांत आमी खेळळे,
पडून उबें रावपाक आमी शिकले;
तेंवूय आतां दिसना खंय.
ज्या इष्टांवांगडा रंगली मैफल,
त्या खीणांची उरली फकत चाहूल,
आमच्या मस्तेपणांक नासताली वंय.
सोडून आमचो तो घोटेर
पावलों जीणेच्या नव्या वाटेर
वेऱ्यां जंय व्हांवता मांडवी न्हंय
No comments:
Post a Comment