यादी.....
— जॉन आगियार
यादीचीं पाना, आमच्या मनां रुखार भरता,
काळ कितलोय गेलो, तरी ताजींच ती उरता.
हांसू येता केन्ना, तर केन्नां दोळ्यांत दूकां,
जिणेच्या वाटेर, सोदत उल्ले आमी सूखां
पैस गेलो मनीस, आनी पयस गेले ते खीण ,
यादीच्या दिव्या किर्णानी, उजळता फाटलीं जीण.
सुख-दुःखाच्या वाटेर, घीट राव, रडचो ना,
यादींचो हात धर घटृट, केन्नाच तूं पडचो ना.
जिवो आस मेरेन मनीस, यादींचोच खरो आधार,
यादी म्हळ्यार , जीणेचे सूख-साज-श्रृंगार.
No comments:
Post a Comment